1. ވިޓަމިން އޭ
ވިޓަމިން އޭ ލިބިގަތުމަށްޓަކައި ކާން އެންމެ ރަނގަޅު އެއްޗެހީގެ ތެރޭގައި ފެހި ތަރުކާރީގެ ބާވަތްތަކާއި، ކެރެޓް، ލެޓިއުސް އަދި ކަނޑުމަސް ހިމެނއެވެ. ވިޓަމިން އޭއަކީ ހަންގަނޑު މަރާމާތުކޮށްދީ ތާޒާކޮށްދޭ އެއްޗެކެވެ. އެހެންކަމުން ވިޓަމިން އޭ ހަންގަނޑުގައި މަދުން ހުންނަނަމަ، ހަންގަނޑު ހިކޭގޮތް ވާނެއެވެ.
2. ވިޓަމިން ބީ
މި ވިޓަމިން އަކީ ހަނޑޫ، ބިސް، އޯޓްމީލް، ދޮންކެޔޮ، އެޕްރިކޮޓް، އެވޯކާޑޯ އަދި ސަންފްލާވާ އޮށުގައި ހިމެނޭ އެއްޗެކެވެ. ވިޓަމިން ބީއަކީ ހަންގަނޑު ހައިޑްރޭޓްކޮށްދީ އަދި އޮމާންކޮށްދޭ އެއްޗެކެވެ.
3. ވިޓަމިން ސީ
ހަށިގަނޑުގެ ދިފާޢީ ނިޒާމް ދުޅަހެޔޮކޮށް ދިނުމުގެ އިތުރުން، ވިޓަމިން ސީއަކީ ހަންގަނޑު ޒުވާންކޮށްދީ، އަވީގެ ސަބަބުން ދިމާވާ މައްސަލަތައް ހައްލުކޮށްދީ އަދި ހަންގަނޑުގައި ހުންނަ ރޫތައް ފިލުވުމަށް ބޭނުންވާ ކޮލާޖެން އުފެއްދުމަށް އެހީވެދޭ ވިޓަމިންއެކެވެ. ވިޓަމިން ސީ އެންމެ ގިނައިން ހުންނަ އެއްޗެހީގެ ތެރޭގައި އޮރެންޖުފަދަ ހުތް މޭވާތައް، ފެހި ތަރުކާރީ ފަތްތައް، ކޯލީފްލާވާ އަދި ބެކް ޕެޕާ (ބޮޑު މިރުސް) ހިމެނެއެވެ.
4. ވިޓަމިން އީ
ގުދުރަތީ އެއްޗެހީގެ ޒަރިއްޔާއިން ވިޓަމިން އީ ލިބިގަތުމަކީ އޭގެ ފައިދާތައް އިތުރުކޮށްދޭ ކަމެކެވެ. ވިޓަމިން އީ އަކީ ބްރޮކޮލީ، ކޭލް، ސްޕިނެޗް، އެލްމަންޑް، ސަންފްލާވާ ތެޔޮ، ޒައިތޫނި ތެޔޮ އަދި ކާށިތެޔޮ ގައި ހިމެނިގެންވާ އެއްޗެކެވެ. އެއީ ލަކުނުތައް ފިލުވުމަށް އެހީވެދޭ އެއްޗެކެވެ.
5. ވިޓަމިން ކޭ
މިއީ އެހެން ވިޓަމިންތައްހާ މަޝްހޫރު ވިޓަމިންއެއް ނޫނެވެ. އެހެންނަމަވެސް ވިޓަމިން ކޭއަކީ ވަރަށް މުހިންމު އެއްޗެކެވެ. އެއީ ލޯކައިރި ކަޅުވުމާއި ނޫފައިގަތުން ކުޑަކޮށްދޭ އެއްޗެކެވެ. ވިޓަމިން އޭ ލިއްބައިދޭ ކާނާގެ ތެރޭގައި ކެބެޖު، ކޯލީފްލާވާ، ސްޕިނެޗް އަދި ފެހި ތަރުކާރީ ފަތްތައް ހިމެނެއެވެ.