ދަ ޖާނަލް އޮފް ނިއުޓްރިޝަންގައި ދާދިފަހުން ޝާއިރުކުރެވުނު ދިރާސާއެއްގައި ބުނާގޮތުން، ސެލެޑްއަށް ބިސް އަޅައިގެން ކެއުމަކީ ތަރުކާރީތަކުން ހަށިގަނޑަށް ލިއްބައިދޭ ވިޓަމިން އީ އިތުރުކޮށްދޭ ކަމެއް ކަމަށެވެ.
އެމައިނޯ އެސިޑްސްއާއި، އަންސެޗުރޭޓެޑް ފެޓީ އެސިޑްސްއާއި ވިޓަމިން ބީގެ އިތުރުން، ބިހުގައި ކޮންމެވެސް ވަރަކަށް ވިޓަމިން އީ ވެސް އެކުލެވިގެން ވެއެވެ. ފެޓްސްއާއި އެއްކޮށް ހަށިގަނޑަށް ނަގައިގަނެވޭ ވިޓަމިން އީ އަކީ ތެޔޮ، އޮށް އަދި ނަޓްސްއިން ލިބެން ހުންނަ އެއްޗެކެވެ.
ފަހުން ޝާއިރުކުރެވުނު ދިރާސާގެ މަޤްސަދަކީ ކެއްކި ބިހާއި އެއްކޮށް ވިޓަމިން އީ ހިމެނިގެންވާ ކާއެއްޗެހި ކެއުމުން ހަށިގަނޑަށް ކިހާވަރަކަށް ވިޓަމިން އީ ނަގައިގަނެވޭތޯ ބެލުމެވެ.
"އަޅުގަނޑުމެންނަށް ހޯދުނު ގޮތުގައި ސެލެޑްގެ ތެރެއަށް މުޅި ތިން ބިސް އެޅުމުން، ވިޓަމިން އީ ނަގައިގަންނަ މިންވަރު 4-7 ގުނައަށް އިތުރުވެގެންދޭ. މި ދިރާސާ ތަފާތުވާ ސަބަބަކީ، ވިޓަމިން އީ ނަގައިގަންނަ މިންވަރު ބަލާފައިވަނީ ސަޕްލިމެންޓްތަކުގެ ބަދަލުގައި އަސްލު ކާއެއްޗެހިން ކަމުން"، އެމެރިކާގެ އިންޑިއާނާގެ ހުޅަނގު ލާފަޔެޓްގެ ޕާޑިއު ޔުނިވާސިޓީގެ ޔުންގް ޔުން ކިމް ބުންޏެވެ.
އެކުގައި ކެއުމުން، އެއް ބާވަތުގެ ކާނާ ކެއުމުން އަނެއް ބާވަތުގެ ކާނާގެ ނިއުޓްރިޝަން ހުންނަ މިންވަރު އިތުރުވެގެންދާ ގޮތަށްވެސް މި ދިރާސާގައި އަލިއަޅުވާލާފައި ވެއެވެ.
"މިހާރު މީހުންނަށް އެމީހުން ޑައިޓް އިތުރަށް ރަނގަޅުކޮށްލެވޭނެ އެކިކުލަކުލައިގެ ތަރުކާރީ ހިމެނޭ ސެލެޑްގެ ތެރެއަށް ބިސް އަޅައިގެން"، ޕާޑިއު ޔުނިވާސިޓީގެ ޕްރޮފެސާ އޮފް ނިއުޓްރިޝަން ސައިންސް، ވޭން ކޭމްޕްބެލް ވިދާޅުވިއެވެ.