ޑީސަލް ގަންނަން ލިބޭ އަގު ބޮޑުވެފައިވާ ކަމަށް ބުނެ ފެނަކަ ކޯޕަރޭޝަނުން ކަރަންޓް ދޭ ރަށްރަށުގެ ކަރަންޓު ޔުނިޓަކުން ހަތަރު ލާރި ފިއުލް ސާޗާޖުގެ ގޮތުގައި ނަގަން ނިންމައި، މިދިޔަ މަހުގެ ބިލާ އެކު ބޮޑުކޮށް ބިލް ފޮނުވައިފި އެވެ.
ފެނަކަ އިން ބުނީ ފިއުލް ސާޗާޖު ނަގަން ނިންމީ ތެލުގެ އަގަށް އައި ބަދަލާ ގުޅިގެން ކަަމަށެވެ. އެގޮތުން ސެޕްޓެމްބަރު 19 ވަނަ ދުވަހުން ފެށިގެން ޑީސަލް ލީޓަރެއް ގަންނަން ލިބޭ އަގު ވަނީ 8.12ރ. އަށް ކަމަށް ބުންޏެވެ.
ޑީސަލްގެ އަގު 8ރ. އަށް ވުރެ ބޮޑު ވާ ނަމަ އިތުރުވާ ކޮންމެ 10 ލާރިއަކަށް ތިން ލާރި ފިއުލް ސާޗާޖުގެ ގޮތުގައި ނެގުމުގެ ހުއްދަ މޯލްޑިވްސް އެނާޖީ އޮތޯރިޓީން ފެނަކަ އަށް ދީފައިވެ އެވެ.
މިއީ އެ ކުންފުނިން މި އަހަރުގެ ފެބްރުއަރީ މަހުން ފެށިގެން ކަރަންޓުގެ އަގަށް ބަދަލު ގެނައި ފަހުން ފިއުލް ސާޗާޖު ކަރަންޓް ބިލުގައި ހިމަނާ ފުރަތަމަ ފަހަރެވެ.
ފިއުލް ސާޗާޖު ހިމަނަން ފަށާފައި ވަނީ ސެޕްޓެމްބަރު 19 ވަނަ ދުވަހުން ފެށިގެންނެވެ. ފެނަކަ ކޯޕަރޭޝަނުން 153 ރަށަކަށް ކަރަންޓްގެ ހިދުމަތް ދެ އެވެ.