ކުރިއަށް އޮތް ލޯކަލް ކައުންސިލް އިންތިހާބުގައި އެމްޑީޕީ ޓިކެޓްގައި ފޭދޫ ދާއިރާ އަސް ވާދަ ކުރާ ކެންޑިޑޭޓަކު ހޮވަން މިއަދު ބޭއްވި ޕްރައިމަރީ އެ ދާއިރާގެ މިހާރުގެ ވެސް ކައުންސިލަރު އަލީ ފަހުމީ އަހުމަދު ކާމިޔާބު ކުރައްވައިފި އެވެ.
ފަހުމީ އަށް ޕްރައިމަރީގައި ފޭދޫގައި ބެހެއްޓީ ފޮށިން 208 ވޯޓް ލިބިވަޑައިގަތް އިރު، އޭނާ އާ ވާދަ ކުރެއްވި އިބްރާހީމް ޖުނައިދަށް ލިބިވަޑައިގަތީ 199 ވޯޓެވެ.
ފަހުމީއަކީ ބައި އިލެކްޝަނަކުން ފޭދޫ ގޮނޑި ކާމިޔާބު ކުރެއްވި ބޭފުޅެކެވެ. އެ ފަހަރު އޭނާ ބައި އިލެކްޝަން ކާމިޔާބު ކުރެއްވި ޕީޕީއެމުން ވާދަ ކުރި އީނާ ނަސީރު ބަލި ކުރެއްވުމަށް ފަހު އެވެ.
ފޭދޫގައި ބައި އިލެކްޝަނެއް ބާއްވަން ޖެހުނި އިންތިހާބުން ހޮވިވަޑައިގަތް އަބްދުﷲ އަސްވާން މަގާމާ ހަވާލުވެވަޑައިގަތްތާ މާ ގިނަ ދުވަސްތަކެއް ނުވަނީސް 2014 ގެ ތެރޭގައި ހާޓްއެޓޭކެއްގައި އަވަހާރަވުމާ ގުޅިގެންނެވެ.
ކުރިއަށް އޮތް ލޯކަލް ކައުންސިލް އިންތިހާބު އޮންނާނީ އަންނަ ޖެނުއަރީ މަހުގެ 14 ގަ އެވެ.
އެ އިންތިހާބުގައި ފަހުމީ ވާދަ ކުރައްވަން ޖެހޭނީ ޕީޕީއެމްގެ ފަރާތުން ވާދަ ކުރާ އަލީ ހަނީޒް (ބޮއްކާ) އާ އެވެ.