ކުރިއަށް އޮތް ލޯކަލް ކައުންސިލް އިންތިހާބުގައި އެމްޑީޕީގެ ޓިކެޓްގައި މަރަދޫ ދާއިރާ އަށް ވާދަ ކުރާ ކެންޑިޑޭޓަކަށް ފައިސަލް އިބްރާހީމް ހޮވިއްޖެ އެވެ.
މިއަދު ބޭއްވި ޕްރައިމަރީގައި ފައިސަލާ އެކު އިތުރު ދެ މީހަކު ވެސް ޓިކެޓަށް ވާދަ ކުރި އެވެ. އެއީ އަހުމަދު ލަބީގާއި ހަސަން ނާސިރު (ހަން ބައްދާ ހަސަނު) އެވެ.
މި ތިން މީހުންނަށް ލިބުނު ވޯޓަށް ބަލާ އިރު ފައިސަލް ޓިކެޓް ހޯދީ 212 ވޯޓާ އެކުގަ އެވެ.
ލަބީގަށް 191 ވޯޓް ލިބުނު އިރު، ހަސަނަށް ލިބުނީ 55 ވޯޓެވެ. އޭނާއަކީ އެންމެ ފަހުން ބޭއްވި ކައުންސިލް އިންތިހާބުގެ ޕްރައިމަރީގައި ވާދަ ކުރި މީހެކެވެ.
މަރަދޫ ދާއިރާ މިހާރު ތަމްސީލް ކުރައްވާ އައްްޑޫ ޑެޕިއުޓީ މޭޔަރު އަބްދުﷲ ތައްޔިބް (ޓޮމް) މި ފަހަރު ޕްރައިމަރީއަށް ވާދައެއް ނުކުރައްވަ އެވެ.
އޭނާ ކައުންސިލްގައި ފުރިހަމަ ކުރައްވަމުން ގެންދަވަނީ ދެވަނަ ދައުރެވެ.