ކާމިޔާބީއަކީ ފަސޭހައިން ހާސިލްވާ ކަމެއް ނޫނެވެ. އެހެންނަމަވެސް، މަސައްކަތް ކޮށްފިނަމަ، ކިތަންމެ މުއްސަނދި އަދި ފަގީރު މީހަކަށް ވެސް ކާމިޔާބު ލިބޭނެ އެވެ.
މިއީ ޝިވާންގީގެ ވާހަކައެކެވެ. ނޫސް ވިއްކުމުން ފެށިގެން ގޮސް އައިއައިޓީ ގްރެޖުއޭޓްއަކަށް އޭނާ ވެގެންދިޔަ ގޮތުގެ ވާހަކައެކެވެ.
އުއްތަރް ޕްރަދޭޝްގެ ކާންޕޫރް ކައިރީގައި އޮންނަ އަވަށެއް ކަމަށްވާ ދޭހާއަށް އުފަން ޝިވާންގީއަކީ އޭނާގެ ބައްޕައަށް ނޫހާއި މަޖައްލާތައް ވިއްކުމުގައި އެހީވެ އުޅުނު ކުއްޖެކެވެ. އަދި އޭނާއަށް ވަގުތުވީ ވަރަކުން އެރަށުގައި ހުރި ސަރުކާރުގެ ސްކޫލެއްގައި ކިޔަވަމުން ދިޔައެވެ.
އެހެން އުޅެނިކޮށް، ބިހާރުގައި 'ސުޕާ 30' ގެ ނަމުގައި ތަޢުލީމީ ޕްރޮގްރާމެއް ހިންގި މަޝްހޫރު ހިސާބު އިލްމުވެރިޔާ އަނަންދް ކުމާރުއާއި ބެހޭގޮތުން ޝިވާންގީއަށް އެނގުނެވެ.
'ސުޕާ 30' އަކީ ދަށްފަންތީގެ އާއިލާތަކަށް ނިސްބަތްވާ އިންޖިނިއަރުންނަށް ވާން ބޭނުން ކުދިން އައިއައިޓީ އެންޓްރާންސް އިމްތިހާންތަކަށް ތައްޔާރު ކޮށްދޭ ޕްރޮގްރާމެކެވެ.
އާނަންދް ކުމާރުގެ އެހީއާއިއެކު، ރެއާއި ދުވާލު މިންނަތް މަސައްކަތް ކޮށްގެން ޝިވާންގީ އަކީ މިހާރު ކާމިޔާބު އައިއައިޓީ ގްރެޖުއޭޓްއެކެވެ.
ކުމާރުވަނީ ޝިވާންގީގެ ވާހަކަ އޭނާގެ ފޭސްބުކް ޕްރޮފައިލްގައި ހިއްސާކޮށްފައެވެ. ހިންދީއިން ލިޔެފައިވާ އެޕޯސްޓް ނޮވެމްބަރު މަހުގެ އެއް ވަނަ ދުވަހު ޝާއިރުކުރެވުނު ފަހުން ވަނީ 10،000 ލައިކްއާއި 1000 ޝެއާސް ލިބިފައެވެ.
"ބައެއް މީހުން ހުވަފެން ދެކި ބައެއް ފަހަރު އެމީހުންގެ ހުވަފެންތައް ހަޤީގަތަކަށްވެސް ވޭ. އެކަމަކު އަހަރެން އެހާ ބޮޑު ހުވަފެނެއް ދެކޭކަށް ނުވެސް ވިސްނަން"، ޝިވާންގީގެ ބައްޕަ ބުންޏެވެ.