ހައުސިން މިނިސްޓްރީގެ ޖަލްސާއެއް ފޭދޫގައި ބާއްވަން ތައްޔާރުވަމުން އަންނަ ކަމަށް އެ މިނިސްޓްރީން ބުނެފި އެވެ.
އެހެން ނަމަވެސް އެއީ ކޮން އިރަކު، ކޮން ކަމަކާ ގުޅޭ ގޮތުން ބާއްވާ ޖަލްސާއެއް ކަމަށް ނުބުނެ އެވެ.
މި ޖަލްސާގެ ބައެއް ކަންކަން އިންތިޒާމުކޮށް ދޭނެ ބަޔަކު ހޯދަން ވެސް މިނިސްޓްރީން މިހާރު ވަނީ އިއުލާންކޮށްފަ އެވެ.
އެ އިއުލާނުގައި ބުނެފައި ވަނީ ފޭދޫގައި ބާއްވާ ޖަލްސާ އަށް ލެޑް ޕެނަލް، ސައުންޑް އަދި ލައިޓިން ހަދައި ދޭނެ ފަރާތެއް ބޭނުންވާ ކަމަށެވެ.
އެހެންވެ މިކަމަށް ޝައުގުވެރިވާ ފަރާތްތަކުން މާދަމާ މިނިސްޓްރީ އަށް މެންދުރު ފަހު 1:00 އަށް ހާޒިރުވެ މައުލޫމާތު ސާފު ކުރުމަށް ފަހު، މި މަހުގެ 13 ވަނަ ދުވަހު ޕްރޮޕޯސަލް ހުށަހެޅުމަށް މިނިސްޓްރީން އެދިފައިވެ އެވެ.
ހައުސިން މިނިސްޓްރީން ބުނީ މިކަމާ ބެހޭ އިތުރު މައުލޫމާތު 3004353 އިން ލިބޭނެ ކަމަށެވެ.