ތިން ވަނަ ބޮޑު ހަނގުރާމައި ފެށިގެންދާ ގޮތުގެ ހާދިސާތަކާއި ދެކުނު އޭޝިއާ ސަރަހައްދަށް ނިއުކްލިއާ ބޮން އަަޅައި ދޭ ވަރުގަދަ ހަމަލާތަކެއް ދައްކުވައިދޭ ފިލްމެއް "ނިއުކްލިއާ" ގެ ނަމުގައި ރާމް ގޯޕާލް ވަރްމާ (އާރްޖީވީ) އިއުލާންކޮށްފި އެެވެ.
އޭނާގެ ކާމިޔާބު ސިޔާސީ ޑްރާމާ "ސަރުކާރު" ގެ ތިން ވަަނަ ބައިގެ މަސައްކަތް މިހާރު ކުރަމުން އަންނަ އާރްޖީވީ ކުރި ޓްވީޓެއްގައި އޭނާ ވަނީ "ނިއުކްލިއާ" ގެ ޕޯސްޓަރު ވެސް ދައްކާލައިފަ އެވެ.
NUCLEAR designs are done by @anil_anilbhanu @bhanuavirineni
AB Core Design..Thank u guys? pic.twitter.com/imjQFbgeHL— Ram Gopal Varma (@RGVzoomin) November 7, 2016
އާރްޖީވީ ބުނީ މިއީ އޭނާގެ ފުރަތަމަ އިންޓަނެޝަލް ޕްރޮޖެކްޓް ކަމަށެވެ. ސީއެމްއޭ ގްލޯބަލް ޕްރޮޑިއުސް ކުރާ މި ފިލްމުގެ ބަޖެޓް ވެސް އާރްޖީވީ ވަނީ އިއުލާންކޮށްފަ އެވެ. އެއީ 340 ކްރޯޑް ރުޕީސް އެވެ.
"ނިއުކްލިއާ" ގެ ކާސްޓުންގެ ތެރޭގައި އިންޑިއާ، ޗައިނާ، ރަޝިއާ އަދި އެމެރިކާގެ އެކްޓަރުން ބައިވެރި ކުރާނެ އެވެ.
މި ފިލްމް ޝޫޓް ކުރަން ހަމަޖެހިފައި ވަނީ އިންޑިއާ، ޗައިނާ، ރަޝިއާ، އެމެރިކާ އަދި ޔަމަނުގަ އެވެ.
"ނިއުކްލިއާގެ މަސައްކަތް ސަރުކާރު ތިނެއް ނިމުމާ އެކު ފަށާނަން،" ރަންގީލާ އާއި ސަތިއާ އަދި ކޮމްޕެނީ ފަދަ ކާމިޔާބު ފިލްމްތަކެއް ހަދާފައިވާ ޑައިރެކްޓަރު ބުންޏެވެ.