އައްޑޫ ހައި ސްކޫލް ގެ ހުރިހާ ގޮތަކުން މިދިޔަ އަހަރު އެންމެމޮޅު ދަރިވަރަކަށް ގްރޭޑް 12 އޭ ގައު ކިޔަވަމުން އަންނަ އަފާ ޖަމީލް ހޮވިއްޖެ އެވެ.
އޭނާގެ ފަރާތުން ރޭ އިނާމާ ހަވާލުވީ އަފާގެ ބޭބެ އެވެ.
ރޭ ބޭއްވި އިނާމު ދިނުމުގެ ޖަލްސާގައި ދެވަނަ އަށް އެންމެ މޮޅު ދަރިވަރަކަށް ހޮވުނީ ގްރޭޑް 12 އޭ ގެ ދަރިވަރު މަލްހާ މުހައްދެވެ.
ތިންވަނަ ދަރިވަރަކަށް ހޮވުނީ ގްރޭޑް 12 އޭ ގެ ދަރިވަރު ފާތިމަތު ޒުރުވަތެވެ.
އިނާމް ހޯދި ދަރިވަރުންނަށް މިކުދިންނަށް ތައްޓާއި ހަނދާނީ ލިޔުމާއި އައްޑަނަ ހަވާލުކޮށް ދެއްވީ ޖަލްސާގެ ޝަރަފުވެރި މެހުމާން އެޑިޔުކޭޝަން މިނިސްޓްރީގެ ސީނިއާ ޕޮލިސީ އެގްޒެކްޓިވް އެންޑް ފައިނޭންސް އެގްޒެކްޓިވް އިބްރާހީމް އިސްމާއީލެވެ.
ރޭގެ ޖަލްސާގައި އެޑިޔުކޭޝަން މިނިސްޓަރު ޑރ. އައިޝަތު ޝިހާމް ވެސް ބައިވެރިވެވަޑައިގެންނެވި އެވެ.
ރޭގެ ޖަލްސާގައި އައްޑޫ ހައި ސްކޫލްގެ ބީޓެކް ގްރެޖުއޭޓުންނަށްވެސް ސެޓްފިކެޓް ދީފައިވެ އެވެ.
އެ ދަރިވަރުންނަށް ސެޓްފިކެޓް ހަވާލުކޮށް ދެއްވީ އެޑިއުކޭޝަން މިނިސްޓަރެވެ.