އެމެރިކާގައި ކުރިއަށްދާ ރިޔާސީ އިންތިޚާބުގައި އެންމެ ފަހުގެ ނަތީޖާތަކަށް ބަލާއިރު މައި ސްޓޭޓެއް ކަމަށްވާ ފްލޮރިޑާ ޓްރަމްޕު ކާމިޔާބުކޮށް އިންތިޚާބުކޮށް އެތައް ބަޔަކު ހައިރާންކޮށްލައިފި އެވެ.
އިންތިޚާބުގެ ކުރިން ނެގި ޕޯލުތަކުން ފްލޮރިޑާ ކްލިންޓަން އަށް ލިބުނު ނަމަވެސް އެސްޓޭޓުގެ ރައްޔިތުން ވަނީ ވޯޓު ކަރުދާހުން ޓްރަމްޕަށް ކާމިޔާބު ހޯދައި ދީފަ އެވެ.
ފްލޮރިޑާގެ އިތުރުން އުތުރު ކެރޮލައިނާއާއި އޮހައޯ ވެސް ޓްރަމްޕު ވަނީ ހީކުރިގޮތާއި ޚިލާފަށް ކާމިޔާބުކޮށްފައެވެ.
ފްލޮރިޑާގެ ސްޓޭޓު ކާމިޔާބުކުރެވުމުން އިންތިޚާބު ކާމިޔާބުކުރުމާ ވަރަށް ގާތަށް ޓްރަމްޕު ޖެހިލާފައިވީނަމަވެސް ކްލިންޓަން ވަނީ ވަޖީނިއާ އަދި ކޮލަރާޑޯގެ ވޯޓު ކާމިޔާބުކޮށްފައެވެ.
ނަމަވެސް އިންތިޚާބު ކާމިޔާބުކުރުމަށް މިޝިގަން، ނެވާޑާ، އިއޯވާގެ އިތުރުން ޕެންސިލްވީނިއާ ކާމިޔާބުކުރުމަށް ކްލިންޓަން ޖެހެއެވެ. ނަމަވެސް ތަޖުރިބާކާރުން ވަނީ މިފަހަރުގެ އިންތިޚާބު ޓްރަމްޕު ކާމިޔާބުކުރާނެ ކަމަށް ބުނެފައެވެ. ހަތަރު ސްޓޭޓު ހިލަރީ ކްލިންޓަން އަށް ކާމިޔާބުކުރެވޭނެ ކަމަކީ ދުރުގައި އޮތް ކަމެއް ކަމަށް އެމީހުން ވަނީ ބުނެފައެވެ.
ނަތީޖާތަކަށް ފަހު ކްލިންޓަން ސަޕޯޓަރުން މާޔޫސްވެފައިވާއިރު ޓްރަމްޕް ސަޕޯޓަރުން ދަނީ ކްލިންޓަން ހައްޔަރުކުރުމަށް މަގުތަކުގައި އަޑުއުފުލަމުންނެވެ.