ކޮންމެ މީހަކަށްވެސް ނޭވާލުމަކީ ވަރަށް ޤުދުރަތީ އަދި އޮޓޮމެޓިކް ކަމެކެވެ. އެއީ ދިރިހުރުމަށްޓަކައި ކޮންމެހެން މުހިންމު ކަމެކެވެ. ރަނގަޅަށް ނޭވާލުމަކީ ރަނގަޅު ސިއްޙަތެއްގައި ހުރުމަށް ބޭނުންތެރި ކަމެކެވެ. މާ ތިލަ ނޭވާތައް ލުމުން ސްޓްރެސް ލެވެލްތައް އިތުރުވެއެވެ.
1) އެކަމަށް ސަމާލުކަންދީ
ހޭއިރުއާއި، ރޯއިރު އަދި ކަސްރަތު ކުރާއިރު ނޭވާލުމަށް އަންނަ ބަދަލުތައް ފާހަގަ ކުރާށެވެ. ނޭވާލާގޮތް ރަނގަޅަށް އެނގޭނަމަ، ނޭވާލާ ގޮތަށް ބަދަލު ގެންނަން ފަސޭހަވާނެއެވެ.
2) ނޭވާއިން ނޭވާލުން
ހަށިގަނޑުގެ ތެރެއަށްދާ ވައި ސާފުކޮށްދެނީ ނޭވާއިންނެވެ. އެހެންކަމުން އަނގައިން ނޭވާލާނަމަ، ވަރަށް ގިނަ ބެކްޓީރިއާއާއި ވައިރަސް ނުސާފުވައިގެ ސަބަބުން ހަށިގަނޑުގެ ތެރެއަށް ދާނެއެވެ.
3) ޑައިފްރާމް ބޭނުންކުރޭ
ފުންކޮށް ރީތިކޮށް ނޭވާލުމަށްޓަކައި ޑައިފްރާމް ބޭނުން ކުރާށެވެ. ޑައިފްރާމް ބޭނުންކުރުމުގެ ސަބަބުން މޭމައްޗަށާއި ބަނޑަށް ކުރާ ޕްރެޝަރުގެ އަސަރު ކުޑަވެއެވެ. އެއިރުން ހިތަށް މަސައްކަތުގެ ލޯޑް އެހާ ބޮޑެއް ނުވާނެއެވެ.
4) ރިދަމް (ހަމަ)އަކާއި އެއްކޮށް ނޭވާލާ
ވަކި ހަމައެއްގެ މަތިން ނޭވާލުމަކީ ދުވަހުގެ އެކި ގަޑިތަކުގައި ދިގުކޮށް، ފުންކޮށް ގަސްތުގައި ނޭވާލުމެވެ. އެތެރެއަށް ނޭވާލާއިރު ތިނެކާއި ހަމައަށް ގުނާށެވެ. އަދި ހަމަ އެހެން ބޭރަށް ނޭވާލާއިރުވެސް ހަދާށެވެ. ކޮންމެ ނޭވާއެއްގެ ދިގުމުން ހުއްޓުމަކާއި ނުލައި އެއް މިންވަރެއްގައި ހިފަހައްޓާށެވެ.
5) ކޮންމެ ދުވަހަކު ނޭވާލާ ރޫޓިންއެއް ހޯދާ
ދުވާލަކު 10 މިނެޓާއި 20 މިނެޓްއަށް ފުންކޮށް ނޭވާލުން ނުވަތަ ކޮންމެ ގަޑިއަކު އެއް މިނެޓްއަށް ފުންކޮށް ނޭވާލުމަށް ފަރިތަކުރުމަކީ ފާހަގަކުރެވޭފަދަ ފައިދާތައް ލިބިދޭ ކަމެކެވެ. އޭގެ ސަބަބުން މީހާގެ ނަފްސާނީ ދުޅަހެޔޮކަން އިތުރުވެއެވެ.
ރަނގަޅަށް ނޭވާލާނެ ގޮތްތައް
ފުރަތަމަ ގޮތް
އެއް ގޮތަކީ އެތެރެއަށް ނޭވާލާ ވަގުތު އިތުރުކޮށްފަ، "އޯމް" ގިނަގިނައިން ވީހާވެސް ގިނައިރުވަންދެން ކިޔުމެވެ. އޭގެ ސަބަބުން ބޭރަށް ނޭވާލާން ނަގާ ވަގުތު އޮޓޮމެޓިކުން އިތުރުވެއެވެ.
ދެވަނަ ގޮތް
އޫޖަޔީ ނޭވާލުމަށް "ވިކްޓޯރިއަސް ބްރީތިންގް" އޭވެސް ކިޔައެވެ. އޫޖަޔީ ފަރިތަކުރުމަށްޓަކައި، އަނގަލައްޕައިގެން ނޭފަތުން ނޭވާލާށެވެ. ދެން ނޭފަތުން ވަރަށް ފުން ނޭވާއެއް އެތެރެއަށް ލުމަށްފަހު ބޭރަށް ލާށެވެ. ހަމަ އެވަގުތު ކަރުގެ އެންމެ ތިރީގައި ހުންނަ މަސްތައް އޫޖަޔީގެ އަޑުތައް ބޭނުންކޮށްގެން ވަރުގަދަ ކުރާށެވެ.
ތިންވަނަ ގޮތް
"އޯލްޓަނޭޓް ނޮސްޓްރިލް" ނޭވާލުމަށް ކިޔާނަމަކީ ޕްރަނަޔާމާއެވެ. އެއީ ސިކުނޑީގެ ދެފަޅިއަށްވެސް ފަހަރަކު އެއް ނޭފަތުގެ ހިނދުރި ބޭނުންކޮށްގެން ނޭވާލުމަށް ދަސްކޮށްދޭ އެއްޗެކެވެ. ޕްރަނަޔާމާގެ އެހެން ފައިދާތަކުގެ ތެރޭގައި ފުއްޕާމެއާއި ނޭވާލުމުގެ ނިޒާމަށް އެހީވެދިނުމާއި، ނާރުތަކުގެ ނިޒާމް ތާރާކޮށްދީ، ނުރައްކާތެރި މާއްދާތައް ނައްތާލަދީ އަދި ސްޓްރެސް ކުޑަކޮށް ދިނުން ހިމެނެއެވެ.
ހަތަރުވަނަ ގޮތް
ރޯކޮށްފައިވާ އުއްބަތިތައް ނިއްވަން މަސައްކަތް ކުރާށެވެ. މި ކަސްރަތަކީ މީހާގެ މައި މަސްތަކަށް ކަނޑައަޅާފައިވާ ކަސްރަތެކެވެ. އެއިރުން ބޭރަށް ނޭވާލުމަށް ފަސޭހަވާނެއެވެ. އުއްބަތިތައް ނިއްވާހެން ބޭރަށް ނޭވާލާށެވެ. ނޭވާލާއިރު، ވައިރޯޅި އައިސް ދަތްތަކުގެ ފުރަގަހުގައި ޖެހެންވާނެއެވެ. އެއީ ނޭވާލާ އަޑު އިއްވުމަށްޓަކައެވެ.
ފަސްވަނަ ގޮތް
ފުއްޕާހަމުގެ ތެރެއަށް ފުމޭށެވެ. މިކަން ފަރިތަކުރުމުން ޑައިފްރާމްއާއި މައި މަސްތައް ބާރުކުރުމަށް އެހީވެދެއެވެ.