އިނގިރޭސިވިލާތުގެ އަވަށެއް ކަމަށްވާ ލޫޓަން އަށް ނިސްބަތްވާ މުސްލިމް ކިޔަވާ ކުއްޖަކު މުޅި ކީރިތި ޤުރުއާން އެއްކޮށް ހިތުދަސްކޮށްފި އެވެ.
އެ ކުއްޖާއަކީ މިހާރު އެހެން މީހުންނަށް ކީރިތި ޤުރުއާން އުނގަންނައިދެވޭ ވަރުގެ ކުއްޖެކެވެ.
އަށް އަހަރުގެ މާރިޔާ އަސްލަމަށް ވަނީ 'އިޖާޒާ' ނުވަތަ އިސްލާމިކް ސެޓްފިކެޓެއް ލިބިފަ އެވެ. އޭގެ މާނައަކީ ކީރިތި ޤުރުއާން ކިޔެވުމުގައި އާއި ހިތުދަސްކުރުމުގައި މާރިޔާ ވަނީ ވަރަށް މަތީ ދަރަޖައެއް ހާސިލްކޮށްފައި ކަމަށެވެ.
މިހާރުވެސް ސޯޝަލް މީޑިއާގައި ވަރަށް ގިނަ މީހުންގެ ތަރުހީބު ލިބިފައިވާ ޒުވާން މާރިޔާ ދަނީ އޮންލައިންކޮށް ޤުރުއާން ދަސްކޮށްދިނުމުގެ ޓިއުޓޯރިއަލް ސީރީސްއެއް ފަށާށެވެ.
ވީޑިއޯ: ބީބީސީ