ބަލިތައް ފަތުރާ ސޫފާސޫފި މަދު ކުރުކުމުގެ ގޮތުން ވެކްޓަ ކޮންޓްރޯލް ކެމްޕޭނެއް އާދީއްތަ ދުވަހު އައްޑޫގައި ފަށަން ހަމަޖައްސައިފި އެވެ.
ވޯލްޑް ހެލްތް އޯގަނައިޒޭޝަން (ޑަބްލިއުއެޗްއޯ) އާއި ހެލްތް މިނިސްޓްރީ ގުޅިގެން އައްޑޫގައި ފަށަން ހަމަޖެހިފައިވާ މި ކެމްޕޭނުގެ ދަށުން ރަށުގެ ބައެއް ސަރަހައްދުތައް ސާފުކޮށް މަދިރި އުފެދޭ ތަންތަން ނައްތާލުމުގެ މަސައްކަތް ކުރަން ހަމަޖެހިފައިވެ އެވެ.
މިހަރަކާތުގައި މިނިސްޓްރީގެ ފަރާތުން މަދިރި އުފެދޭ ފެންގަނޑުތަކުން މަދިރި ނައްތާލުމަށް ބޭނުން ކުރާ ވެކްޓަރ ކޮންޓްރޯލް ޓެމެފޯސް ގެ އިތުރުން މަދިރި މަދު ކުރުމަށް ބޭނުން ކުރާ ބައެއް އެހެނިހެން މެޝިނަރީސް ހަވާލު ކުރުމަށް ހަމަޖެހިފައިވެ އެވެ.
ވެކްޓަރ ކޮންޓްރޯލް ކެމްޕޭން ފެށުމަށް ހަމަޖެހިފައި ވަނީ އާދީއްތަ ދުވަހު ހަވީރު 4:00 ގައި ހިތަދޫ މެދު ދާއިރާގެ ކުޑަކުދިންގެ ޕާކް ސަރަހައްދުންނެވެ.
މި ހަރަކާތުގައި ބައިވެރިވާން ބޭނުންވާ މީހުން އެ ސަރަހައްދަށް ދާ އިރު ތޮފި އަދި މަދިރިން ސަލާމަތްވުމަށް މޮސްކިޓޯ ރިޕެލެންޓް ބޭނުންކޮށްގެން ދިއުމަށް އިރުޝާދު ދީފައިވެ އެވެ.