ބަންގްލަދޭޝް އަށް އެންމެ އަގުހެޔޮކޮށް ރާއްޖޭން ގުޅައި ލެވޭ ޕްރޮމޯޝަނެއް އުރީދޫން މިއަދު ފަށައިފި އެވެ.
އެ ކުންފުނިން ނެރުނު ބަޔާނެއްގައި ބުނީ މި މަހުގެ ނިޔަލަށް ކުރިއަށް ގެންދާ މި ޕްރޮމޯޝަނުގައި ކަސްޓަމަރުންނަށް ކޮންމެ ވަގުތަކު ވެސް އެންމެ އަގުހެޔޮ އައިޑީޑީ ރޭޓް ބޭނުންކޮށްގެން މިނިޓަކު އެންމެ 0.69ރ. އަށް ބަންގްލަދޭޝް އަށް ގުޅޭނެ ކަމަށެވެ.
މި އޮފާ ބޭނުން ކުރެވޭނީ ގުޅާ އިރު 011+880+ ފޯން ނަންބަރު ޖެހުމުން ކަމަށް ވެސް ބުންޏެވެ.
އުރީދޫގެ ޕްރީޕެއިޑާއި ޕޯސްޓްޕެއިޑް ކަސްޓަމަރުންނަށް ވެސް މި ޕްރޮމޯޝަންގައި ކޯލްގެ އެންމެ ފުރަތަމަ މިނެޓަށް ޗާޖް ކުރާނީ 0.84ރ. އެވެ. އެ އަށް ފަހު ކޮންމެ މިނިޓަކަށް ނަގާނީ 0.69ރ. އެވެ.
ބަންގްލަދޭޝް އަށް ގުޅުމަށް ހާއްސަ އަގެއް އުރީދީން ތައާރަފު ކުރި އިރު ރާއްޖޭގައި މަސައްކަތް ބިދޭސީ އާބާދީގެ ބޮޑު ބަޔަކީ ބަންގްލަދޭޝް މީހުންކަން ފާހަގަކޮށްލެވެ އެވެ.