ސަންޖޭ ލީލާ ބަންސާލީގެ ޕީރިއަޑް ޑްރާމާ "ޕަދްމާތަވީ" އަކީ ވަރަށް އުނދަގޫ ފިލްމެއް ކަމަށާއި އެހެން ނަމަވެސް އެ ފިލްމަށް ވަރަށް ބޮޑަަށް ތައްޔާރުވެފައިވާ ކަމަށް ބަތަލާ ދީޕިކާ ޕަދްކޯން ބުނެފި އެވެ.
މި މަހުގެ އެއް ވަނަ ދުވަހު ރަންވީރު ސިންގް އާ އެކު ފިލްމުގެ ޝޫޓިން ފެށި ނަމަވެސް، ދީޕިކާ ޝޫޓިން ފެށީ މިއަދު އެވެ.
"ޕަދްމާވަތީ" އަކީ ބަންސާލީ އާ އެކު ދީޕިކާ އާއި ރަންވީރު ކުޅޭ ތިން ވަނަ ފިލްމެވެ. މި ފިލްމުގެ މުހިއްމު ރޯލެއް ޝާހިދު ކަޕޫރް ވެސް ކުޅޭނެ އެވެ.
ދީޕިކާ ބުނީ "ޕަދްމާވަތީ" ގެ ޓައިޓްލް ރޯލަކީ އުނދަގޫ ރޯލެއް ނަމަވެސް، މި ތަޖުރިބާ އަށް އޭނާ ހުރީ ހުރިހާ ގޮތަކުން ވެސް ތައްޔާރުވެގެން ކަމަށެވެ.
އަދި ބަންސާލީ އާ އެކު ތިން ވަނަ ފިލްމެއްގައި މަސައްކަތް ކުރަން ފުރުސަތު ލިބުމަކީ ފަހުރުވެރިވާ ކަމެއް ކަމަށް 2008 ގައި ޝާހްރުކް ހާނާ އެކު "އޯމް ޝާންތީ އޯމް" އިން ބޮލީވުޑަށް ނިކުތް ބަތަލާ ބުންޏެވެ.
ދީޕިކާ އެންމެ ފަހުން ފެނިގެން ދިޔަ ފިލްމަކީ މިދިޔަ އަހަރު ރިލީޒް ކުރި ބަންސާލީގެ "ބަޖިރާއޯ މަސްތާނީ" އިންނެވެ.
އޭނާގެ އެއްވެސް ހިންދީ ފިލްމެއް މި އަހަރު ރިލީޒްވެފައި ނުވާ އިރު، ދީޕިކާ ދެން އެންމެ އަވަހަށް ފެނިގެން ދާނީ އޭނާގެ ފުރަތަމަ ހޮލީވުޑް ފިލްމް "ޓްރިޕްލް އެކްސް: ދަ ރިޓާމް އޮފް ޒެންޑަ ކޭޖް" އިންނެވެ.
އެ ފިލްމް ރިލީޒް ކުރާނީ ޖެނުއަރީ 19، 2017 ގަ އެވެ.
"ޕަދްމާވަތީ" ސިނަމާތަކަށް އަންނާނީ ނޮވެމްބަރު 17، 2017 ގަ އެވެ.