ހުޅުމީދޫގައި މި އަހަރު ގާއިމު ކުރި ހައި ކޯޓުގެ ދެކުނު ގޮތްޕަށް މިދިޔަ މަހު ޖުމްލަ 135 މައްސަލަ ހުށަހެޅު ކަމަށާއި އޭގެ ތެރެއިން 93 އިންސައްތަ މައްސަލަ ނިންމާފައިވާ ކަމަށް އެ ގޮފިން ބުނެފި އެވެ.
ހައި ކޯޓުގެ ދެކުނު ގޮފީގެ ވެބްސައިޓްގައި އާންމުކޮށްފައިވާ ތަފާސް ހިސާބުތައް ދައްކާ ގޮތުން މިދިޔަ މަހުގެ ނިޔަލަށް 135 މައްސަލައެއް އެތަނަށް ހުށަހެޅުނު އިރު އޭގެ ތެރެއިން 115 މައްސަލައެއް މިދިޔަ މަހުގެ ނިޔަލަށް ވަނީ ނިންމައިފަ އެވެ.
ހައި ކޯޓް ދެކުނު ގޮފީގައި ތިއްބަވަނީ ފަނޑިޔާރު އަބްދުލްޣަނީ މުހައްމަދާއި ފަނޑިޔާރު ޝުއައިބު ހުސައިން ޒަކަރިއްޔާ އަދި ފަނޑިޔާރު ޝުޖާއު އުސްމާނެވެ.
ދެކުނު ގޮފީގެ މަސައްކަތް ފެށީ މި އަހަރުގެ ކުރީކޮޅު އެވެ.