ސަލްމާން ހާން ޑަބަލް ރޯލަކުން ފެނިގެން ދިޔަ 1997 ގެ ރޮމޭންޓިކް ކޮމެޑީ "ޖުޅުވާ" ސީކްއެލްގައި ޒުވާން އެކްޓަރު ވަރުން ދަވަން އާ އެކު، ބަތަލާއިންގެ ގޮތުގައި ފެނިގެން ދާނީ ޖެކޮލިން ފެނާންޑޭޒާއި ތާޕްސީ ޕައްނޫކަން ކަށަވަރުވެއްޖެ އެވެ.
އެ ފިލްމުގެ ބަތަލާއިންނާ ބެހޭ ގޮތުން މީގެ ކުރިން ދިޔައީ ތަފާތު ގޮތްގޮތަށް ވާހަކަ ދެކެވެމުންނެވެ. އެގޮތުން އާލިއާ ބަޓާއި ޕަރިނީތީ ޗޯޕްޅާ އަދި ޝްރަދާ ކަޕޫރަށް ވެސް ރޯލް ހުށަހަޅާފައިވާ ކަމަށް އަޑު ފެތުރުނެވެ.
އެހެން ނަމަވެސް ވަރުން މިއަދު ކުރި ޓްވީޓެއްގައި އޭނާ ވަނީ ބަތަލާއިންނަކީ ޖެކޮލިން އާއި ތާޕްސީކަން ކަށަވަރުކޮށް ދީފަ އެވެ.
"ޖުޅުވާ 2" ޕްރޮޑިއުސް ކުރަނީ މީގެ ސީކްއެލް ވެސް ޕްރޮޑިއުސް ކުރި ސާޖިދު ނަދިއަދްވާލާ އެވެ. އަދި ޑައިރެކްޓް ކުރަނީ ހަމަ ޕްރިކްއެލްގެ ޑައިރެކްޓަރު އަދި ވަރޫންގެ ބައްޕަ ޑޭވިޑް ދަވަން އެވެ.
ސަލްމާނާ އެކު ޕްރިކްއެލްގައި ބަތަލާއިންގެ ރޯލް ކުޅުނު ކަރިޝްމާ ކަޕޫރާއި ރާމްބާ އެވެ.
It's OFFICIAL.@taapsee and @Asli_Jacqueline with the 2 of me #Judwaa2 pic.twitter.com/AGOiPsurAh
— Varun Dhawan (@Varun_dvn) November 21, 2016
މިއީ ބައްޕަގެ ޑައިރެކްޝަނެއްގައި ވަރުން މަސައްކަތް ކުރާ ދެވަނަ ފިލްމެވެ. ފުރަތަމަ ފިލްމަކީ "މޭ ތޭރާ ހީރޯ" އެވެ.
"ޖުޅުވާ 2" ވެގެން ދާނީ ވަރުން އާއި ޖެކޮލިން އެކުގައި ފެނިގެންދާ ދެވަނަ ފިލްމަށެވެ. އެ ދެ މީހުން އެކުގައި ކުޅުނު ފުރަތަމަ ފިލްމަކީ މި އަހަރު ނިކުތް "ޑިޝޫމް" އެވެ.
އެހެން ނަމަވެސް މިއީ ތާޕްސީ ވަރުން އާ އެކު ކުޅޭ ފުރަތަމަ ފިލްމެވެ.
ދާދި ފަހުން ނިކުތް "ޕިންކް ގައި މުހިއްމު ރޯލެއް ކުޅުނު ތާޕްސީއަކީ ޑޭވިޑް ޑައިރެކްޓް ކުރި "ޗަސްމެ ބައްދޫ" ގެ ބަތަލާ އެވެ.
ވަރުން ޑަބަލް ރޯލަކުން ފެނިގެންދާ "ޖުޅުވާ 2" ސިނަމާތަކަށް އަންނާނީ ސެޕްޓެމްބަރު 29، 2017 ގަ އެވެ.