އެސްއެމްއެސް މެދުވެރިކަށް ކުޅޭ ސްކްރެބަލް މުބާރާތެއް 600،000ރ. އިނާމާ އެކު އުރީދޫން މިއަދު ފަށައިފި އެވެ.
SPONSORED
ސަތޭކަ ދުވަހުގެ މުއްދަތަކަށް ކުރިއަށް ގެންދާ މި މުބާރާތުގެ ދަށުން އެންމެ ގިނަ ޕޮއިންޓް ހޯދާ ކަސްޓަމަރުންނށް ލިބޭ އިނާމުތަކުގެ ތެރޭގައި އައިފޯން 7، އައިފޯން 7 ޕްލަސް އަދި އެޕަލްގެ އެންމެ ފަހުގެ މެކްބުކްޕްރޯ ހިމެނެ އެވެ.
އެސްއެމްއެސް ސްކްރެބްލްގައި ބައިވެރި ވެވޭނީ "GO" ޖެއްސެވުމަށް ފަހު 4242 އަށް އެސްއެމްއެސްކޮށްގެންނެވެ.
އެއާ އެކު ކޮންމެ ބައިވެރިއަކަށް ވެސް އަކުރުތަކެއް އެކުލެވޭ އެސްއެމްއެސްއެއް ލިބިގެން ދާނެ އެވެ.
މި އަކުރުތައް ބޭނުންކޮށްގެން ބަސް ހެދުމަށްފަހު 4242 އަށް އެސްއެމްއެސް ކުރުމުން އެއީ ރަނގަޅު ލަފުޒެއްއް ނަމަ، ބަހުގައި ހިމެނޭ ކޮންމެ އަކުރަކަށް 100 ޕޮއިންޓް ލިބޭނެ އެވެ.
ލިބިފައިވާ އަކުރުތަށް ބަދަލު ކުރަން ބޭނުންވާ ނަމަ “CHANGE" ނުވަތަ “NEXT” ޖެހުމަށް ފަހު 4242 އަށް ފޮނުވުމުން އާ ސެޓެއްގެ އަކުރުތަކެއް ލިބޭނެ އެވެ.
އަކުރުތައް ބަދަލު ކުރާ ކޮންމެ ފަހަރަކު ވެސް އިތުރު 50 ޕޮއިންޓް ލިބިގެން ދާނެ އެވެ.
އުރީދޫން ބުނީ މި މުބާރާތުގައި ކޮންމެ ހަފުތާއަކު ވެސް އެންމެ ގިނަ މާކްސް ހޯދައި މޮޅުވާ ކަސްޓަމަރަކަށް އިނާމް ދޭނެ ކަމަށެވެ.
އެގޮތުން އައިފޯނު 7 ޕްލަސް ލިބޭނީ މުބާރާތް ކުރިއަށްދާ މުއްދަތުގައި ކޮންމެ ހަފްތާއަކު އެންމެ ގިނަ ޕޮއިން ހޯދާ ކަސްޓަމަރަކަށެވެ.
ދެވަނައަށް ދާ ކަސްޓަމަރަކަށް އައިފޯން 7 އެއް ލިބޭ އިރު، މެކް ބުކް ޕްރޯ ލިބޭނީ ކޮންމެ މަހަކު އެންމެ ގިނައިން ޕޮއިންޓް ހޯދާ ކަސްޓަމަރަކަށެވެ.