ޒުވާނުން ކުރާ މަަސައްކަތްތަކުގެ އަގު ވަޒަންކޮށް ސަރުކާރުންދޭ ޒުވާނުންގެ އެވޯޑް ހިތަދޫ ނިޔަމި ހަނާން މުހައްމަދަށް ލިބިއްޖެ އެވެ.
އޭނާ އަށް ޒުވާންގެ އިނާމް ލިބުނީ އާޓް އެންޑް ކަލްޗާ ދާއިރާއިންނެވެ. ހަނާންއަކީ ކޭކު އެޅުމުގެ ދާއިރާގައި މަަަސައްކަތް ކުރާ އަދި އެތައް ބަޔަކަށް އެ މަސައްކަތް ދަސްވެސްކޮށް ދެމުން އަންނަ ޒުވާނެކެވެ.
ހަނާންގެ މަންމަ އައިމިނަތު ޝީރީނަކީ ރާއްޖޭގައި ތިބި ކޭކުގެ މަސައްކަތް ކުރާ މީހުންގެ ތެރެއިން އެންމެ ކުޅަދާނަ އަދި އެންމެ މަޝްހޫރު އެކެކެވެ.
ޒުވާނުންގެ އިނާމް ހަނާނަށް ލިބުނު އިރު އޭނާ އާއި ޝީރީން ގުޅިގެން އަންނަނީ އެފެސްގެ ނަމުގައި ކޭކް އިންސްޓިޓިއުޓެއް ވެސް ހިންގަމުންނެެވެ.
ހަނާން ވަނީ މި ދާއިރާ އިން މިހާތަނަށް ރާއްޖެ އާއި ރާއްޖޭން ބޭރުން ވެސް ބޮޑެތި ކާމިޔާބީތަކެއް ހޯދައިފަ އެވެ.
އެގޮތުން އޭނާ ވަނީ އާންމު ހިދުމަތުގެ ހިތްވަރު ދިނުމުގެ އިނާމް ވެސް ހޯދައިފަ އެވެ.
ހަނާން އާ އެކު ރޭ ޖުމްލަ 10 މީހަކަށް ޒުވާނުންގެ އެވޯޑް ލިބުނެވެ.
* ދަރުމަވެރިކަމުގެ ދާއިރާ: މ. ވޭވިންގލައިޓް އައިޝަތު ރަފިއްޔާ
* ތިމާވެށީގެ ދާއިރާ: ރ. ރަސްމާދޫ ނަރުގިސްވިލާ ތާހާ ޙުސައިން
* އާޓް އެންޑް ކަލްޗަ ދާއިރާ: ހިތަދޫ ނިއަމި ހަނާން މުޙައްމަދު
* ވިޔަފާރި އާއި އިޤްތިސާދުގެ ދާއިރާ: އދ. މާމިގިލީ މަރިޔާދު މުޙައްމަދު ޝަރީފް
* ކުށް މަދުކުރުމުގެ ދާއިރާ: ގދ. ތިނަދޫ ގަޒީރާ އަލްއުސްތާޛް މުއައްވިޒު ރަޝީދު
* ވޮކޭޝަނަލް ޓްރެއިނިން ދާއިރާ: ހއ. ހޯރަފުށީ އާރޯ މުޙައްމަދު ޔާމީން
* މަސްތުވާތަކެއްޗާއި ދެކޮޅަށް މަސައްކަތް ކުރުން: ހ. ފޯސީޒަން އަހުމަދު ވަނޫދު
* ކުޅިވަރުގެ ދާއިރާއި: ގ. ފިނިވިލު އިސްމާއީލް ފަރުހާން
މީގެ އިތުރުން ޔޫތު މިނިސްޓްރީގެ ހާއްސަ އެވޯޑް ފިނޭންސް މިނިސްޓަރު އަހުމަދަށް ލިބިވަޑައިގެންނެވި އިރު، ޝަހީދު ޖަވާދު އުމަރު ހަނދާނީފިލާ ލިބުނީ ރ. މީދޫ، ލަކީސްޓާ، މުހައްމަދު އާސިމަށެވެ.
އިނާމް ލިބުނު ފަރާތްތަކަށް އިނާމް ހަވާލުކޮށް ދެއްވީ ރައީސް އަބްދުﷲ ޔާމީނެވެ.