ހިތަދޫގައި ގާއިމުކޮށްފައިވާ ދެކުނުގެ ސަރަހައްދީ ބަނދަރުގެ މަސައްކަތްތަކަށް އާ އިކްޕްމަންޓްސް ގެނައުމުގެ މަސައްކަތް މިހާރު ކުރިއަށްދާ ކަމަށް ހިތަދޫ ޕޯޓް ލިމިޓެޑް (އެޗްޕީއެލް) އިން ބުނެފި އެވެ.
މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ދަށުން ހިންގާ އެޗްޕީއެލްގެ އެސިސްޓަންޓް މެނޭޖަރު މުހައްމަދު ރަޝީީދު (މެޓްރިކްސް މޯޑް) ޓީވީއެމަށް ވިދާޅުވީ މީގެ 10 އަހަރު ކުރިން ހުޅުވި ބަނދަރުގައި މިހާރު ބޭނުން ކުރާ ގިނަ އިކްއުޕްމަންޓްތަކަކީ އެތަން ހުޅުވީއްސުރެން ފެށިގެން ބޭނުންކުރަމުންދާ ތަކެތި ކަމަށެވެ.
އެހެންވެ މިހާރުން މިހާރަށް އެޗްޕީއެލުން އެންމެ އިސްކަމެއް ދީފައިވަނީ އިކުއިޕްމަންޓްތައް އާ ކުރުމަށް ކަމަށް އޭނާ ވިދާޅުވި އެވެ.
އެގޮތުން ކުރިއަށް އޮތް ދެ ހަފުތާ ތެރޭގައި އާ އިކްއިޕްމަންޓްތަކެއް ލިބޭނެ ކަމަށް މޯޑް ވިދާޅުވި އެވެ.
އޭނާ ވިދާޅުވި ގޮތުގައި ސަރަހައްދީ ބަނދަރަށް ގެންނަ އިކްޕްމަންޓްތަކުގެ ތެރެއިން ބައެއް ތަކެތި މާލޭން އުޅަނދަކަށް ބަރުކޮށް މިހާރު ވަނީ އައްްޑު އަށް އައުމުގެ މަގުމަތީގަ އެވެ.
އެޗްޕީއެލުން ބުނި ގޮތުގައި ބަނދަރުގެ ސާމާނު އާ ކުރެވެމުން މަސައްކަތުގެ ސްޕީޑް ވަރަށް ބޮޑު ތަން ހަލުވިވެގެން ދާނެ އެވެ.
ދާދި ފަހުން ހިތަދޫ ސަރަހައްދީ ބަނދަރުގައި ބޭނުން ކުރާ ބާޖް ހޭންޑްލާ މާލެ ގެންދަން، ބާޖަކަށް އަރުވަނިކޮށް، ބާޖަށް ގެއްލުންތަކެއް ލިބިފައިވެ އެވެ.
މޯޑް ވިދާޅުި ގޮތުގައި ބާޖް މަރާމާތު ކުރަން މިހާރު އަންނަނީ ތައްޔާރުވަމުންނެވެ.