އެއާޕޯޓްގެ އޭވިއޭޝަން ސެކިއުރިޓީގެ މުވައްޒަފުންގެ މެދުގައި ހިލޭ ކޯލާއި އެސްއެސްއެސް ކުރުމުގެ ހިދުމަތް އުރީދޫން ހަމަޖައްސައި ދީފި އެވެ.
އުރީދޫގެ ހެޑް އޮފީހުގައި މިއަދު ބޭއްވި ރަސްމިއްޔާތެއްގައި އުރީދޫ ވާކް ގްރޫޕްގެ ހިދުމަތް އޭވިއޭޝަން ސެކިއުރިޓީ ކޮންޓްރޯލަށް ދިނުމުގެ އެއްބަސްވުމުގައި އުުރީދޫގެ ފަރާތުން ސޮއި ކުރެއްވީ އެ ކުންފުނީގެ ޗީފް ކޮމާޝަލް އޮފިސަރު ބަލާޖީ ސްރިނިވާސަން އެވެ.
އޭވިއޭޝަން ސެކިއުރިޓީގެ ފަރާތުން ސޮއި ކުރެއްވީ، އެތަނުގެ ޑެޕިއުޓީ ކޮމާންޑަެު މޭޖާ މުހައްމަދު ފަސީހެވެ.
އުރީދޫގެ ހެޑް އޮފް ސޭލްސް ހުސެއިން ނިޔާޒް ވިދާޅުވީ އުރީދޫގެ ވާކް ގްރޫޕް ހިދުމަތަކީ ކުންފުނިތަކުން ބަލައިގެންފައިވާ މަގުބޫލު ހިދުމަތެއް ކަމަށެވެ.
އުރީދޫ ވާކް ގްރޫޕް މެދުވެރިކޮށް ކުންފުނީގެ ތެރޭގައި ކުރަން ޖެހޭ ހުރިހާ ކޯލަޖާއި އެސްއެމްްއެސްއެއް ހިލޭ ކުރެވޭނެ އެވެ. އަދި ނަމްބަރުތަކަށް ގުޅުމަށް ބޭނުން ކުރާނީ ހަތަރު އަދަދުގެ ނަމްބަރުތަކެކެވެ.
އުރީދޫން އަދި ބުނީ ކުންފުނީގެ ވާކް ގްރޫޕްގައި ބައިވެރިވާ ކޮންމެ މުވައްޒަފަކަށްވެސް އާއިލާގެ މެމްބަރުންގެ ތެރެއިން ބޭނުންވާ މީހަކަށާް އަންލިމިޓެޑް ކޯލް އަދި އެސްއެމްއެސް ކުރުމުގެ ފުރުސަތު ވެސް ކަމަށެވެ.
އުރީދޫ ވާކް ގްރޫޕްގެ ހިދުމަތް ބޭނުން ކުރާ ކުންފުނިތަކަށް ދީފައިވާ ހާއްސަ ޕޯޓަލްއެއް މެދުވެރިކޮށް ކުންފުނިން ދައްކަން ޖެހޭ ބިލް ޗެކްކޮށް، އާ ކަނެކްޝަންތަކަށް އެދުމުގެ އިތުރުން ވާކް ގްރޫޕްގައި ހިމެނޭ ފަރާތްތައް ބަލައި، އެ ލިސްޓަށް މުވައްޒަފުން އިތުރުކޮށް، އުނި ކުރެވޭނެ އެވެ.
އުރީދޫން ވާކް ގްރޫޕް ހިދުމަތް ތައާރަފު ކުރީ މި އަހަރުގެ މެއި މަހުގެ ތެރޭގަ އެވެ.