މުޅި ދުވަހު އޮފީހުގެ މޭޒުދޮށުގައި އިށީނދެގެން ހުރުމަކީ މީހާ ފޫހިވެ، ބަނޑުހައިކޮށްދޭ ކަމެކެވެ. މަސައްކަތް ބުރަވުމުގެ ސަބަބުން މީހާ ޙަރަކާތްތެރިވާ މިންވަރު ދަށްވެއެވެ.
އެހެންކަމުން، ގިނަ މީހުންނަށް ވާގޮތަކީ ކަންނެތްވެ، ނިދިއައުމުގެ ސަބަބުން މާގިނައިން ތައްޔާރީ ކާނާ ކާހިތް ވަނީއެވެ. ކޮންމެ މީހަކު ވެސް ކާބޮއި އުޅޭ އެއްޗެއްސަކީ ސީދާ އެމީހެއްގެ ސިއްހަތަށް އަސަރު ކުރާނެ އެއްޗެހިއެވެ.
އެހެންކަމުން، ތައްޔާރީ ލުއި ކާނާ ކެއުމުގެ ބަދަލުގައި ތިރީގައި މިވާ ސިއްޙަތަށް ފައިދާހުރި އެއްޗެހި ކެއުން މާ ބުއްދިވެރިއެވެ.
1. ބިސް
ޕްރޮޓީންއިން ފުރިގެންވާ ނާސްތާއެއް ހެނދުނު ކުރުމަކީ މުޅި ދުވަހު މީހާ ވަރަށް އެކްޓިވްކޮށް ބަހައްޓައިދޭނެ ކަމެކެވެ. ވިޓަމިންއާއި މިނަރަލްއާއި ޕްރޮޓީންއިން ފުރިގެންވާ ބިހަކީ ލަސްލަހުން ހަކަތަ ލިއްބައިދީ، މުޅި ދުވަހު އިށީންދެގެން ހުންނަހާ ވަގުތުގައި މީހާ ހަރަކާތްތެރިކޮށް ބެހެއްޓުމަށް އެހީވެދޭ އެއްޗެކެވެ.
2. ހޯލް ގްރެއިން ޕާން
ހޯލް ގްރެއިން ޕާނަކީ ގިނަ އަދަދަކަށް ފައިބާއާއި، ވިޓަމިން އީ އަދި ބީ ކޮމްޕްލެކްސް އެކުލެވިގެންވާ އެއްޗެކެވެ. އެއީ ހަށިގަނޑަށް ގިނައިން ހަކަތަ ލިއްބައިދޭ އެއްޗަކަށްވުމުން، ލަސް ނާސްތާއެއްގެ ގޮތުގައި ކެއުން ރަނގަޅުވާނެއެވެ.
3. ގްރޭޕްފްރުޓް (ބަނބުޅަ ބޮސް)
ގްރޭޕްފްރުޓަކީ ވަރަށް މީރު މޭވާއެކެވެ. އަދި "ޕަވާ ފްރުޓް"ގެ ނަމުން މަޝްހޫރުވެފައިވާ މޭވައެއްވެސް މެއެވެ. ދުވަހުގެ ކޮންމެ ވަގުތެއްގައިވެސް ގްރޭޕްފްރުޓް ކެވިދާނެއެވެ. ވިޓަމިން ސީ، ފައިޓޯނިއުޓްރިއެންޓް އަދި ފޯލޭޓްއިން ފުރިގެންވާ މި މޭވާއަކީ ދިފާޢީ ބާރާއި ހަކަތަ ހުންނަ މިންވަރު އިތުރުކޮށްދޭ އެއްޗެކެވެ.
4. ކިވީފްރުޓް
މާބޮޑަށް ނިދި އަންނަ ނަމަ، މެންދުރު ކެއުމުގައި ކިވީ ސެލެޑެއް ނުވަތަ ކިވީ ސްމޫތީއެއް ބޭނުންކުރާށެވެ. ކިވީއަކީ އޭގައި ވިޓަމިން ސީ އާއި ކޮޕާ އެކުލެވިގެންވުމުން މީހާ އެކްޓިވްކޮށް ބެހެއްޓުމަށްޓަކައި ވަރަށް ބޭނުންތެރި މޭވާއެކެވެ.
5. ފްލެކްސް އޮށް
ކޮންމެ ދުވަހަކު ފްލެކްސް އޮށް ބޭނުންކުރުމަކީ ދިފާޢީ ބާރު ވަރުގަދަވެ، ހަކަތަ އުފައްދައި ދިނުމުގައި އެހީވެދޭ ކަމެކެވެ. ފްލެކްސް އޮށުގައި އޮމެގާ 3 ފެޓީ އެސިޑް ހިމެނިގެންވެއެވެ. ފްލެކްސް އޮށް ހިމުންކޮށް މުގުރާފައި، ކާއެއްޗެއްގެ މައްޗަށް އަޅައިގެން ބޭނުން ކުރާށެވެ.
6. ބެރީ
ބެރީއަކީ އެންޓި އޮކްސިޑެންޓް، ފައިބާ އަދި ވިޓަމިން ގިނަ އަދަދަކަށް އެކުލެވިގެން ވުމާއިއެކު ޖިސްމާނީ އަދި ނަފްސާނީ ގޮތުންވެސް މުޅި ދުވަހު މީހާ ޙަރަކާތްތެރިކޮށް ބަހައްޓައިދޭ އެއްޗެކެވެ. ނިއުޓްރިއެންޓްތައްވެސް ހިމެނިގެންވާ ބެރީތަކަކީ ކެލޮރީސްވެސް ވަރަށް މަދުން ހުންނަ އެއްޗެކެވެ.
7. ޕްރޮޓީން ބާ
މިއީ ނިދިއައުމަށް އޮތް ހައްލެކެވެ. ޕްރޮޓީން ބާއަކީ ވަގުތުން ހަކަތަ ލިއްބައިދޭ އެއްޗެކެވެ. ގެއަށް ދާއިރު ވަރުބަލިކަން ފިލުވައިލުމަށްޓަކައި ޕްރޮޓީން ބާއެއް ހަވީރު ކާލުމަކީ ރަނގަޅު ކަމެކެވެ.