ބްލަޑް ބޭންކެއް ގާއިމުކޮށް، އެ ހިދުމަތް ރަސްމީކޮށް ތައާރަފުކޮށްފި އެވެ.
އެ ހޮސްޕިޓަލްގެ 32 ވަނަ އަހަރީ ދުވަހާ ދިމާކޮށް ބްލަދް ބޭންކެއްގެ ހިދުމަތް ފެށި ނަމަވެސް. ހިދުމަތް ފުޅާކޮށް، ފުރިހަމަ ކުރުމަށް އަދި ވަގުތު ނަގާނެ ކަމަށް އެޗްއާރްއެޗުން ބުންޏެވެ.
އެތަނުގައި ބްލަޑް ބޭންކެއް ގާއިމުކޮށްފައި މި ވަނީ އެ ހިދުމަތް ވަރަށް މުހިއްމު ކަމަށް ބުނެ އައްޑޫގެ ވަރަށް ގިނަ ބަޔަކު ވާހަކަ ދައްކަމުން ދަނިކޮށެވެ.
ހޮސްޕިޓަލުން ބުނީ ލޭ ނަގައި ރައްކާ ކުރުން ފަދަ ހިދުމަތް ދޭން ފަށާނީ ޑޯނާސް ލިސްޓެއް އެކުލަވާ ލުމަށް ފަހު ކަމަށެވެ.
އެޗްއާރްއެޗުން ބުނީ ކުރިއަށް އޮތް ދެ ހަފުތާއެއްހާ ދުވަހުގެ ތެރޭގައި ބްލަޑް ބޭންކުގައި ލޭ ރައްކާ ކުރަން ފަށާނެ ކަމަށެވެ.
އަހަރީ ދުވަހާ ދިމާކޮށް ހޮސްޕިޓަލްގައި މިހާރު ވަނީ ގައިން ގަޔަށް ނާރާ ބަލިތަކާ ބެހޭ ހާއްސަ ކްލިނިކެއް ވެސް ގާއިމުކޮށްފަ އެވެ.