"ދަޅްކަން" ފަދަ ފިލްމްތައް ކުޅެފައިވާ އެކްޓަރު ސުނިލް ޝެޓީގެ އަންހެން ދަރިފުޅު، އަތިޔާ ޝެޓީ އަށް ފަހު، އޭނާގެ ފިރިހެން ދަރިފުޅު އަހާން ޝެޓީ ވެސް ބޮލީވުޑަށް ނިކުންނަން ތައްޔާރުވެއްޖެ އެވެ.
އަތިޔާ ބޮލީވުޑަށް ތައާރަފުވެގެން ދިޔައީ ސަލްމާން ހާން ޕްރޮޑިއުސްކޮށް، ނިކިލް އަދްވާނީ ޑައިރެކްޓް ކުރި "ހީރޯ" އިން މިދިޔަ އަހަރު އެވެ.
އަހާން، 20، ބޮލީވުޑަށް ނިކުތުމުގެ ކުރިން މިހާރު އަންނަނީ އެކްޓިން ދަސް ކުރުމާއި މާޝަލް އާޓްސް ފަދަ ހުނަރުތައް ލަންޑަނުގައި ދަަސްކުރަމުންނެެވެ. އަދި ހަށިގަނޑު ރީތި ކުރަން ވެސް ބޮޑު އިސްކަމެއް ދީފައިވެ އެެވެ.
އަހާން ބޮލީވުޑަށް ތައާރަފު ކުރާނީ ޕްރޮޑިއުސަރު ސާޖިދު ނަދިއަދްވާލާ އެވެ. އޭނާ ވަނީ އަހާން އާ އެކު ތިން ފިލްމެއްގެ ޑީލެއް ހަދާފައިކަން މިހާރު ވަނީ ކަށަވަރުވެފަ އެވެ.
In full on training mode….a star in the waiting…..INTRODUCING #AHANSHETTY …congratulations to Sajid Nadiadwala…@SunielVShetty pic.twitter.com/dX12hqaLhW
— Karan Johar (@karanjohar) November 28, 2016
އެކަން ކަރަން ޖޯހަރް ކުރި ޓްވީޓަކުން ވެސް ވަނީ ކަށަވަރުގެން ގޮސްފަ އެވެ.
އެހެން ނަމަވެސް އަހާންގެ ފުރަތަމަ ފިލްމާ ބެހޭ އެއްވެސް މައުލޫމާތެއް މިހާތަނަށް ހާމަކޮށްފައެއް ނުވެ އެވެ. އެކަމަކު އެއީ ލޯބީގެ އެކްޝަން ފިލްމެއް ކަމަށްވެ އެވެ.