އޮލިވް އޮއިލްއަކީ ވަރަށް ފައިދާހުރި ތެލެކެވެ. ވިނަގްރެޓް އަދި ފިހުނު ކާއެއްޗެހީގައި ޒައިތޫނީ ތެޔޮ ބޭނުންކުރުމުން އެއަށް އިތުރު ރަހައަކާއި މޮއިސްޗާ ލިއްބައިދެ އެވެ.
އެހެން ނަމަވެސް، މިހާރު ދިރާސާތަކުން ދައްކާ ގޮތުގައި ވަރަށް މަތީ ފިނިހޫނުމިނުގައިވެސް ޒައިތޫނި ތެޔޮއިން އެހުރިހާ ފައިދާއެއް ލިއްބައި ދެއެވެ. އެގޮތުން ތެލުލުމާއި ސޯޓޭއިން ހިމެނެއެވެ.
ސްޕެއިންގެ ޔުނީވާސިޓީއެއްގެ ދިރާސާވެރިން ހާމަކޮށްފައިވާ ގޮތުގައި "އެކްސްޓްރާ ވާޖިން އޮލިވް އޮއިލް"ގައި ތަރުކާރީ ތެލުލުމުން، ފެނުކެއްކުމާއި އަޅާބަލާއިރު، އޭގެއިން މާގިނަ ފައިދާތައް ލިއްބައިދެއެވެ.
އަދި ހަމަ އެހެންމެ ޒައިތޫނި ތެޔޮގައި ތެލުލުމުން، ތަރުކާރީގައި ހުންނަ އެންޓިއޮކްސިޑެންޓްތަކާއި ފީނޯލިކް މާއްދާތައްވެސް އިތުރުވެގެން ދެއެވެ. އޭގެ ސަބަބުން ކެންސަރާއި ހަކުރު ބަލިފަދަ ބަލިތަކުން މީހާ ރައްކާތެރި ކޮށްދެއެވެ.
އެހެންނަމަވެސް، ދިރާސާތަކުން ދައްކާ ގޮތުގައި ޒައިތޫނި ތެލުގައި ތަރުކާރީ ތެލުލުމަކީ އޭގައި ހުންނަ ފެޓްގެ އަދަދު އިތުރުކޮށްދޭ އަދި މޮއިސްޗާ ކުޑަކޮށްދޭ ކަމެކެވެ. ނަމަވެސް، ކެއްކުމުގެ އެހެން ވައްތަރުތަކުގައި މިހެން ކަންތައް ވާކަމަށް އެނގިފައި ނުވެއެވެ.