މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ)ގެ ޗެއާޕާސަންގެ މަގާމުގައި ހުންނެވި އިބްތިޝާމާ އަހުމަދު ސައީދު، އެ ކުންފުނިން ވަކިކޮށްފި އެވެ.
އޭނާއަކީ ގަން އެއާޕޯޓް ހިންގާ އައްޑޫ އިންޓަނެޝަނަލް އެއާޕޯޓް (އޭއަައިއޭ) ގެ ޑެޕިއުޓީޖެ ޖެނެރަލް މެނޭޖަރު ވެސް މެ އެވެ. އަދި އިބްތިޝާމާއަކީ ބޭންކް އޮފް މޯލްޑިވްސް (ބީއެމްއެލް) ގެ ބޯޑް މެމްބަރެއް ވެސް މެ އެވެ.
އެމްޓީޑީސީން މިއަދު ނެރުނު އިއުލާނެއްގައި ބުނީ މި މަހުގެ ހަތެއްގައި ޕްރައިވެޓައިޒޭޝަން ބޯޑުން ވަނީ އެ ކުންފުނީގެ ޗެއާޕާސަންގެ މަގާމުންނާއި ޑިރެކްޓަރުންގެ ބޯޑުން އިބްތިޝާމާ ވަކިކޮށްފައި ކަމަށެވެ.
އެހެން ނަމަވެސް ވަކި ކުރި ސަބަބެއް ބުނެފައެއް ނިވެ އެވެ.
އެމްޓީޑީސީގެ ޗެއާމަންގެ މަގާމަށް އެ ކުންފުނީގެ ޑިރެކްޓަރުންގެ ބޯޑުގެ މެމްބަރެއް ކަމަށްވާ އަލީ ނިޝާން، މިދިޔަ ހަފުތާގެ އަންގާރަ ދުވަހު ހަަމަޖައްސާފައިވާ ކަމަށް ވެސް ޕްރައިވެޓައިޒޭޝަން ބޯޑުން ބުންޏެވެ.