ޕޯސްޓްޕެއިޑް ގެންގުޅޭ ދިރާގުގެ ކަސްޓަމަރުންނަށް ކޮންމެ ހަފްތާއަކު ދުބާއީ ދަތުރެއް ލިބޭ ފުރުސަތަކާ އެކު ހާއްސަ ޕްރޮމޯޝަނެއް މިއަދު ފަށައިފި އެވެ.
އެ ކުންފުނީގެ ޕަބްލިކް ރިލޭޝަންސް މެނޭޖަރު އިމްޖާދު ޖަލީލު ވިދާޅުވީ ޖެނުއަރީ 14 ގެ ނިޔަލަށް ކުރިއަށް ގެންދާ މި ޕްރޮމޯޝަންގައި ޕޯސްޓްޕެއިޑް މިހާރު ގެންގުޅޭ ކަސްޓަމަރުންނާއި އަލަށް ޕޯސްޓްޕެއިޑް ނަގާ ކަސްޓަމަރުންނަށް ވެސް ބައިވެރިވެވޭނެ ކަމަށެވެ.
މި ޕްރޮމޯޝަންގައި، ކޮންމެ ހަފްތާއަކު ވެސް ގުރުއަތުން ހޮވޭ ފަރާތަކަށް ދުބާއީ ދަތުރެއް ލިބޭނެ އެވެ.
އަންނަ އަހަރުގެ މާޗް މަސް ނިމުމުގެ ކުރިން ބޭނުން ކޮންމެ ދުވަަހަކު ދަތުރު ކުރެވޭ ގޮތަށް ކޮންމެ ހަފްތާއަކު ދޭ ދުބާއީ ދަތުރުގައި އެއާޕޯޓުން ހޮޓަލަށް ގެންގޮސް ދިނުން ވެސް ހިމެނޭ ގޮތަށް، ދެ މީހަކަށް ދެކޮޅު ޓިކެޓާއި ފަސް ދުވަހުގެ ހުރުން ލިބޭނެ އެވެ.
އަދި ދަތުރުގެ ހަރަަރަށް 500 ޑޮލަރު ވެސް ދޭނެ ދިރާގުން ދޭނެ އެވެ.
މީގެ ތެރެއިން އަބޫ ދާބީ ބަލައިލުމާއި ސަހަރާއަކަށް ގޮސް އެ ތަން ތަޖުރިބާކޮށްލުމުގެ ފުރުސަތާއި ދުބާއީގެ އެކި ތަންތަން ބަލައިލަން ގެންދިއުން ވެސް ހިމަނާފައިވެ އެވެ.
ދިރާގުން ބުނީ މި ޕްރޮމޯޝަންގެ މުއްދަތުގައި ޕޯސްޓްޕެއިޑް އަލަށް ނަގާ ނަމަ ހާއްސަ އިނާޔަތްތަކެއް ދިނުމަސް ވެސް ހަމަޖެހިފައިވާ ކަމަށެވެ.
އެ ގޮތުން ޖީބީއެއްގެ މޮބައިލް ޑޭޓާ ހިލޭ ލިބުމުގެ އިތުރުން، ތިން މަސް ދުވަހުގެ މުއްދަތަށް މަހު ފީން 25 ޕަސެންޓް ޑިސްކައުންޓް ވެސް ލިބޭނެ އެވެ.
ދިރާގުން މިހާރު ހަ ޕޯސްޓްޕެއިޑް ޕްލޭނެއް ދޫކުރެ އެވެ.