ރައީސް އޮފީހަށް ނޫސްވެރިއަކު ހޯދަނީ

ރައީސް އޮފީހަށް ނޫސްވެރިއަކު ހޯދަން އިއުލާންކޮށްފި އެވެ.

އެ އޮފީހުން ނެެރުނު އިއުލާނެއްގައި ބުނީ އެ މަގާމަށް ބޭނުން ވަނީ އެކަކު ކަމަށާއި ޝައުގުވެރިވާ މީހުންނަށް ކުރިމަތިލުމުގެ ފުރުސަތު އަންނަ މަހުގެ 7 ވަނަ ދުވަހާ ހަމައަށް ހުޅުވާލައިފައިވާ ކަމަށެވެ.

ރައީސް އޮފީހުގެ ކޮމިއުނިކޭޝަން ޑިޕާޓްމަންޓަށް ހޯދާ ނޫސްވެރިޔާގެ މަގާމަށް ކުރިމަތިލާ މީހެއްގެ ޝަރުތުތަކުގެ ތެރޭގައި ޤައުމީ ސަނަދުތަކުގެ އޮނިގަނޑުގެ ލެވެލް 4 ގެ ސަނަދެއް ހާސިލުކޮށްފައިވުމާ އެކު މަޤާމުގެ މަސައްކަތާ ގުޅޭ ދާއިރާއެއްގައި ހަ އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން ނުވަތަ ޤައުމީ ސަނަދުތަކުގެ އޮނިގަނޑުގެ ލެވެލް 5 ނުވަތަ ލެވެލް 6 (ޕްރޮފެޝަނަލް ސެޓްފިކެޓް/ އެޑްވާންސްޑް ޑިޕްލޮމާ/ އެސޯސިއޭޓް ޑިގްރީ/ ފައުންޑޭޝަން ޑިގްރީ) ގެ ސަނަދެއް ހާސިލުކޮށްފައިވުމާ އެކު މަޤާމުގެ މަސައްކަތާ ގުޅޭ ދާއިރާއެއްގައި ތިން އަހަރުދުވަހުގެ މަސައްކަތުގެ ތަޖުރިބާ ލިބިފައިވުން ނުވަތަ އޮނިގަނޑުގެ ލެވެލް 7 (ބެޗްލަރސް ޑިގްރީ/ ޕްރޮފެޝަނަލް ސެޓްފިކެޓް/ ޕްރޮފެޝަނަލް ޑިޕްލޮމާ) ނުވަތަ ލެވެލް 8 (ގްރެޖުއޭޓް/ ޕޯސްޓް ގްރެޖުއޭޓް ސެޓްފިކެޓް/ ގްރެޖުއޭޓް/ ޕޯސްޓް ގްރެޖުއޭޓް ޑިޕްލޮމާ/ ބެޗްލަރސް ޑިގްރީ ވިތް އޮނަރސް) ގެ ސަނަދެއް ހާސިލުކޮށްފައިވުން ހިމެނެ އެވެ.

އެ މަގާމަށް ނަގާ މީހެއްގެ އަސާސީ މުސާރައަކީ މަހަކު 6،295ރ. އެވެ.

ސާވިސް އެލަވަންސްގެ ގޮތުގައި މަހަކު 2،000ރ. ލިބޭ އިރު، ހާއްސަ އެލަވަންސްގެ ގޮތުގައި މަހަކު 2،832.75ރ. އާއި ލިވިން އެލަވަންސްގެ ގޮތުގައި މަހަކު 2،500ރ. ލިބޭނެ އެވެ.