އަންނަ އަހަރުގެ ޖެނުއަރީ މަހުގެ 14 ގައި ބާއްވަން ނިންމި ލޯކަލް ކައުންސިލްތަކުގެ އިންތިހާބު ދެ މަހަށް ފަސްކޮށްފި އެވެ.
އިންތިހާބު ފަސްކޮށްފި ނަމަ އިލެކްޝަން ކޮމިޝަނުން (އީސީ) އިން އެ އިންތިހާބަށް ކުރި ހުރިހާ ހަރަދެއް ބޭކާރު ވާނެ ކަމަށް ބުނެ އެކަމާ އިލެކްޝަންސް ދެކޅު ހަދަމުން ދަނިކޮށް، އިންތިހާބު ދެ މަހަށް ފަސްކުރުމަށް ސިވިލް ކޯޓުން ނެރުނު އަމުރަކުންނެވެ.
އެ ގޮތަށް އަމުރު ކުރީ، އިންތިހާބު ބޭއްވެންދެން، މިހާރު ތިބި ކައުންސިލަރުން އެ މަގާމުގައި ދެމިތިބެވޭ ގޮތަށް ސިވިލް ކޯޓްގެ އަމުރުގައިވެ އެވެ.
އިންތިހާބު ދެ މަހަށް ކޯޓުން ފަސްކޮށްފައި މި ވަނީ ވެރިކަން ކުރާ މައި ޕާޓީ ދެ ފަޅިވެ، ރައީީސް އަބްދުﷲ ޔާމީންގެ ފެކްޝަނުން ޕީޕީއެމްގެ އިންތިޚާބު ދެ މަހަށް ފަސްކޮށްދިނުމަށް، އެ ޕާޓީން ސިވިލް ކޯޓަށް ހުށަހަޅާފައި ވަނިކޮށެވެ.
މިކަމާ ގުޅިގެން އެހެން އިންތިހާބަާށް ބޮޑެތި ހަރަދުތަކެއް މިހާތަނަށްކޮށް، ތައްޔާރީތައް ވަމުން ދިޔަ ޕާޓީތަކުން ދަނީ ކަންބޮޑުވުން ފާޅު ކުރަމުންނެވެ.
އޭގެ ތެރޭގައި ޕީޕީއެމްގެ ރައީސް މައުމޫން އަބްދުލް ގައްޔޫމްގެ ފެކްޝަން ވެސް ހިމެނެ އެވެ.