މިދިޔަ ބުރާސްފަތި ދުވަހު ސްރީލަންކަން އެއާލައިންސުން ކޮލޮމްބޯ އާއި ގަމާ ދެމެދު ސީދާ ދަތުރުތައް ފަށާފައިވާ އިރު، ގަމުން ކޮލޮމްބޯ އަށް ހާއްސަ ޕެކޭޖެއް އިނަ މޯލްޑިވްސް ހޮލިޑޭޒްއިން ތައާރަފުކޮށްފި އެވެ.
އަންނަ މަހުގެ ނިޔަލަށް ކުރިއަށް ގެންދާ ޕެކެޖްގެ ދަށުން ގަން/ކޮލޮމްބޯ ދެކޮޅު ޓިކެޓެއް ވިއްކަނީ 359 ޑޮލަަރަށެވެ. އިތުރު މައުލޫމާތު އައްޑޫގައި ހުންނަ އިނަ މޯލްޑިވްްސް އޮފީހުން ލިބޭނެ އެވެ.
އިނާ މޯލްޑިވްސް ބުނީ ޕެކެޖް ދަށުން އިނާ ގަން/ކޮލޮމްބޯ ދެކޮޅު ޓިކެޓާ އެކު، ކޮލޮމްބޯގެ ތިން ތަރީގެ ހޮޓަލެއްގައި ދެ ރޭގެ ހުރުމުގެ އިތުރުން ކޮލޮމްބޯގެ ޓުއާ ދަތުރުތަކެއް ހިމެނޭނެ ކަމަށެވެ.
ގަމާއި ކޮލޮމްބޯ އާ ދެމެދު ދަތުރު ކުރަން އިނަ މޯލްޑިވްސް އން ހާއްސަ ޕެޖެކެއް ތައާރަފު ކުރި އިރު، ސްރީ ލަންކަން އެއާލައިންސްގެ ރާއްޖެ އެޖެންޓް އޭސް އޭވިއޭޝަނުން ދެކޮޅު ޓިކެޓް ވިއްކަނީ 343 ޑޮލަރަށެވެ.
އެހެން ނަމަވެސް ހޮޓެލް ބުކިންސް ހިމަނައިގެން ދެކޮޅު ޓިކެޓް ނަގާ ނަމަ 30 ޕަސަންޓް ޑިސްކައުންޓެއް ދެ އެވެ.
އިނަ މޯލްޑިވްސްްއަކީ އޭސްގެ ވެެސް މެނެޖިން ޑިރެކްޓަރު މުހައްމަދު ފިރާގުގެ ކުންފުންޏެކެވެ.