ޖަލުގައި ހުކުމް ތަންފީޒު ކުރަމުން އަންނަ ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު އަހުމަދު މަހްލޫފް ރާއްޖޭން ބޭރުންފަރުވާ ހޯދަން މޯލްޑިވްސް ކަރެކްޝަނަލް ސާވިސް އިން ހުއްދަ ދީފި އެވެ.
މަހުލޫފްގެ އާއިލާ އިން ބުނީ އިންޑިއާ އިން ފަރުވާ ހޯދަން 10 ދުވަހުގެ މުއްދަތެއް ދީފައިވާ ކަމަށެވެ.
އޭނާ އަށް ބޭރަށް ގޮސް ފަރުވާ ދޭން ހުއްދަ ދީފައި މި ވަނީ މަހުލޫފްގެ ސިއްހަތާ މެދު އާއިލާ އިން ކަންބޮޑުވުން ފާޅުކޮށް، ރާއްޖޭން ބޭރުން ފަރުވާ ހޯދަން ބޭނުންވާ ކަމަށް ބުނެ، އެ ކަމުގެ ހުއްދަ އަށް އެދިފައިވާތާ ދުވަސްތަކެއް ފަހުންނެވެ.
އާއިލާ އިން ބުނާ ގޮތުގައި މަހުލޫފްގެ ހަމަށް ވަނީ އެލަޖީގެ މައްސަލަތަކެއް ކުރިމަތިވެފަ އެވެ.
ފުލުހުންގެ ވާޖިބަށް ހުރަސް އެޅުމުގެ ދެ ދަ އުވާއެއް ސާބިތުވެ 10 މަހަށް މަހުލޫފް ޖަލަށް ލާފައިވަނީ މިދިޔަ ޖުލައި މަހުގެ ތެރޭގަ އެވެ.