އެކިއެކި މުއައްސަަސާތަކާއި ވިޔަފާރިތަކަށް ހާއްސަކޮށްގެން ދިރާގުން ދޭ ހިދުމަތް "ޓީމް-ޓޯކް" ގެ ހިދުމަތް އައްޑޫ ސިޓީ ކައުންސިލްގައި ބޭނުން ކުރުމުގެ އެއްބަސްވުމުގައި ސޮއިކޮށްފި އެވެ.
"ޓީމް-ޓޯކް" ހިދުމަކީ މުއައްސަސާގެ މުވައްޒަފުންގެ މެދުގައި ހިލޭ ގުޅުމުގެ އިތުރަށް، ދިރާގުގެ ތަފާތު އެކި ހިދުމަތްތައް ބޭނުން ކުރެވޭ ހިދުމަތެކެވެ.
ކައުންސިލުން ބުނީ މި ހިދުމަތުގެ ސަބަބުން ކައުންސިލްގެ މުވައްޒަފުންގެ މެދުގައި ކުރެވޭ މުއާމަލާތްތައް މިހާރަށް ވުރެ، ފަސޭހަކޮށް ހަރަދު ކުޑަކޮށް ކުރެވޭނެ ކަމަށެވެ.
އެހެންވެ މިއަށް މުވައްޒަފުން އަހުުލުވެރި ކުރުވާނެ ކަމަށް ކައުންސިލުން ބުންޏެވެ.
ކައުންސިލުން އަދި ބުނީ އެ މުވައްޒަފުންގެ ތެރެއިން ދިރާގުގެ ހިދުމަތް ބޭނުން ކުރާ މުވައްޒަފުންގެ ނިސްބަތަކީ 90 ޕަސަންޓް ކަމަށް ވިޔަސް، އުރީދޫގެ ހިދުމަތް 10 ޕަސަންޓް މުވައްޒަފުން ބޭނުން ކުރާ ކަމަށެވެ.
އެހެންވެ "ޓީމް-ޓޯކް" ގެ ތެރެއިން ހުރިހާ މުވައްޒަފުން މި ޕޯޓަލްގެ ތެރެއަށް ގެނެވޭނެ އިންތިޒާމުތަކެއް ދިރާގުން ހަމަޖައްސައި ދޭނެ ކަމަށް ކައުންސިލުން ބުންޏެވެ.
ދިރާގުގެ އޮފިޝަލަކު ބުނީ ކައުންސިލުން "ޓީމް-ޓޯކް" ރަސްމީކޮށް ބޭނުން ކުރަން ފަށަން އަދި ހަފުތާއެއްހާ ދުވަސް ނަގާނެ ކަަމަށެވެ.