1. އުފާވެރިކަން – ހިތް
ޗައިނާގެ އާސާރީ ބޭސްވެރިކަން ލަފާކުރާ ގޮތުގައި ހިތަކީ އުފާވެރިކަމުގެ އިހުސާސްތަކާއި ގުޅިފައިވާ ގުނަވަނެކެވެ. އެހެންނަމަވެސް، އުފާވެރިކަމަކީ ހިތްހަމަޖެހުމެއް ނޫނެވެ. އަދި މާބޮޑަށް އުފާވުމަކީ އިންސޯމްނިއާ (ނުނިދުން)، ހާސްވުން އަދި ހިތް އަވަސްވުމަށް މެދުވެރިވާ ކަމެކެވެ.
2. ރުޅި – ލިވާ (މޭގަނޑު)
ރުޅީގެ ޖަޒްބާތަކީ ކޮލެރިކް ހިއުމާއާއި ގުޅިފައިވާ ކަމަކަށް ވީއިރު، އޭގެ ސަބަބުން ހަސަދަވެރިކަމަށް މަގުފަހިއެވެ. ޤަބޫލު ކުރެވޭ ގޮތުގައި ރުޅިއަކީ ބައިލް ހުންނ މެއާއި ގޯލް ބްލެޑާގައި ރައްކާ ކުރެވިފައިވާ ޖަޒްބާތެކެވެ. ރުޅި އައުމުގެ ސަބަބުން ބޮލުގައި ރިއްސާ ލޭމައްޗަށް ދާގޮތް ވެއެވެ. އޭގެ ސަބަބުން ބަނޑަށާއި ސްޕްލީންއަށް ވަރަށް ބޮޑަށް ގެއްލުން ލިބެއެވެ.
3. އެންޒައިޓީ/ހިތާމަވެރިކަން – ފުއްޕާމެއި
ޗައިނާގެ ޘަޤާފީ ބޭސްވެރިކަމުގައި ޤަބޫލުކުރާ ގޮތުގައި ހިތާމައަކީ ފުއްޕާމެއަށް އަސަރު ކުރުވާ ކަމެކެވެ. އަދި އެންޒައިޓީއަކީ ފުއްޕާމެއިގެ އިތުރުން ބޮޑު ގޮހޮރަށްވެސް އަސަރުކުރާ ކަމެކެވެ. މިދެ ޖަޒްބާތުގެ ސަބަބުން ނޭވާލާން އުނދަގޫވެ އަލްސަރޭޓިވް ކޮލައިޓިސްއަށް މަގުފަހިވެއެވެ.
4. ބިރު – ކިޑްނީ
މާބޮޑަށް ނުވަތަ މާގިނައިރު ވަންދެން ބިރު ގަނެފިނަމަ، ކިޑްނީއަށް ނޭދެވޭ އަސަރުތައް ކުރަން ފަށާނެއެވެ. އެހެންވެ އާންމުކޮށް ބިރު ގަތުމުން ޚާއްސަ ކުޑަކުދިން ކުޑަކަމުދާ ގޮތްވެއެވެ.
5. ޕެންސިވްނެސް (ގިނައިރު ވަންދެން ފުންކޮށް ވިސްނުން) – ސްޕްލީން
މާގިނައިރު ވަންދެން ފުން ވިސްނުމެއްގައި ހުރުމަކީ މީހާގެ ގައިން ވަރަށް ގިނަ ހަކަތަ ހޭދަ ކުރުވާ ކަމެކެވެ. އަދި އޭގެ ސަބަބުން ދެބަސްވުންތައް އުފެދި، މީހާ ވަރުބަލި ވާނެއެވެ. މިމަޑުމައިތިރި ޖަޒްބާތުގެ ސަބަބުން ސްޕްލީންއަށް ގެއްލުން ލިބި، މީހާ ކަންނެތްވެ އަދި ކަންކަމަށް ސަމާލުކަންދޭ މިންވަރު ކުޑަކޮށްދެއެވެ.