ސަންޖޭ ދަތު އެނބުރި ބޮލީވުޑަށް އަންނަ ފިލްމަކީ "ބޫމީ" ކަން މިހާރު ވަނީ ކަށަވަރުވެފަ އެވެ.
މި ފިލްމަކީ ތީ ސީރީޒުން ޕްރޮޑިއުސްކޮށް، އޮމަންގް ކުމާރު ޑައިރެކްޓް ކުރާ ފިލްމެކެވެ. އޭނާއަކީ "މޭރީ ކޮމް" އާއި "ސަބްރަޖީތު" ބެލުންތެރިންނާ ހަމައަށް ގެނެސް ދިން ޑައިރެކްޓަރެވެ.
ޖަލު ހުކުމެއް ތަންފީޒު ކުރުމަށް ފަހު، ސަންޖޭ މިނިވަންވުމާ އެކު އެތައް ބަޔަކު ވަނޫ އޭނާ ލައްވައި ފިލްމުތަކަށް ސޮއި ކުރުވަން ކިއު ހަދައިފަ އެވެ.
އެގޮތުން އޭނާ އެނބުރި އަންނަ ފިލްމް ބެލުންތެރިންނާ ހަމައަށް ގެނެސް ދިނުމުގެ ޝަރަފު އޮމަންގަށް ލިބުމާ އެކު، މިހާރު މި ވަނީ "ބޫމީ" ރިލީޒް ކުރާ ތާރީހު ވެސް ނިންމައިފަ އެވެ.
ޓްވިޓާ މެދުވެރިކޮށް ޓީ ސީރީޒުން ވަނީ ފިލްމު ރިލީޒް ކުރާ ތާރީހު އިއުލާންކޮށްފަ އެވެ.
Here's the first poster of @OmungKumar's #Bhoomi st. @duttsanjay, produced by Bhushan Kumar, Sandeep Singh & Omung Kumar. Releases 4th Aug. pic.twitter.com/m53QFSyk0y
— TSeries (@TSeries) December 9, 2016
އެ ފިލްްމް ސިނަމާތަކަށް އަންނާނީ އޮގަސްޓް 4، 2017 ގަ އެވެ.
ބައްޕައަކާއި އަންހެން ދަރިއެއްގެ ގުޅުމުގެ މައްޗަށް ބިނާކޮށް ހަދާ "ބޫމީ" ގެ ޕޯސްޓަރު ވެސް މިހާރު ވަނީ ދައްކާލައިފަ އެވެ.
މި ފިލްމުގައި ސަންޖޭގެ ދަރީެ ރޯލުން ފެނިގެން ދާނީ އަޖޭ ދޭވްގަންގެ އެންމެ ފަހުގެ ފިލްމް "ޝިވާއޭ" އިން ބޮލީވުޑަށް ތައާރަފުވި ސައްޔޭޝާ ސޭގަލް އެވެ.
"ބޫމީ" ގެ ޝޫޓިން ފެށުމަށް ވާން ޖެހޭ ތައްޔާރީތައް މިހާރު އަންނަނީ ވަމުންނެވެ.