18. ފިރިމީހާގެ އުޅުންހުންނަގޮތުން އަނބިމީހާއަށް އެންމެއުންދަގޫވަނީ ކޮންމަކުންކަން ފިރިމީހާއަށް އެންގެންވާނެއެވެ. އަދި އަނބިމީހާގެބޮލުގައި ކަންކަމުގެ އިލްޒާމުއަޅުވާ އެއްޗިހިކިޔައި ހަދައިގެންވެސް ނުވާނެއެވެ. ހަމަ މިފަދައިން އަނބިމީހާގެ އުޅުން ހުންނަގޮތުން ފިރިމީހާއަށް އުނދަގޫވަނީ ކޮންކަންތައްތަކަކުންކަން އަނބިމީހާއަށް ވަރަށް ރަނގަޅަށް އެނގެންވާނެއެވެ.
ފިރިމީހާ ކަމަކާމެދު ހިތްހަމަ ނުޖެހިފައިހުރިކަން ފާހަގަ ކުރެވިއްޖެނަމަ، ހިތްހަމަ ނުޖެހުނު ސަބަބަކަށް އަނބިމީހާވޭތޯ ސުވާލުކުރާށެވެ. ފިރިމީހާ ހިތް ހަމަނުޖެހިފައިހުރީ އަނބިމީހާގެ ސަބަބަކުން ކަމުގައިވަނީނަމަ އެކަމަކުން ދުރުހެލިވުމަށް އަވަހަށް މަސައްކަތްފަަށާށެވެ. އަހަރެމެންގެ ކޮންމެވެސް ކަމަކުން އެހެންމީހުންނަށް އުނދަގޫވާކަން ގިނަފަހަރު އަހަރެމެންނަކަށް ނޭނގެއެވެ. މީހުންނަށް އުނދަގޫވަނީ ކޮންކަމަކުންކަން އެނގިއްޖެނަމަ އެކަމަކުން ދުރުވުމަށް އަހަރެމެން މަސައްކަތްވެސް ކުރެއެެވެ.
19. ފިރިމީހާ ނުތަނަވަސްވެފައިވަނީ ތިބާގެ ސަބަބުންނޫންމަކުގައިވަނީނަމަ ހަމަޔަޤީނުންވެސް ތިބާއަށް އެކަމުން ހަމަޖެހުން ލިބޭނެއެވެ. ގޭތެރޭގެ މާޙައުލު އުފާވެރިކުރުވުމަށްޓަކައި ދެމީހުންގެވެސް އެކަކު އަނެކަކުގައިހުރި ނޭދޭވޭ ސިފަތަށް ނޯޓުކުރާށެވެ. މީވަރަށް އުންދަގޫކަމަށްވީނަމަވެސް ކެތްތެރިކަމާއި،ވިސްނުންތެރިކަމާއެކު މިކަންކުރަންވާނެއެވެ. ނަމަވެސް އެކަމަށް ތައްޔާރުކުރާލިސްޓް ނައްތާލާށެވެ. އެއަށްފަހު ދެމީހުންވެސް އަނެކާގެ ކިބައިންފެންނަށްބޭނުންވާ ހިތްހަމަޖެހޭކަންތައްތައް( ރަނަގަޅު ކަންތައްތައް ) ފާހަގަކޮށް ލިސްޓެއްހަދާށެވެ. ކިތަންމެކުޑަކަމެއްކަމުގައިވިޔަސް ހިމަނަންވާނެއެވެ. މިހެން ހެދުމަށްފަހު އެލިޔުން ފްރޭމަކަށްލާފައި ކޮޓާރީގައި ބަހައްޓާށެވެ. ދެން މަދުވެގެން ދުވާލަކު 1 ފަހަރު އެބަލާލަންވާނެއެވެ.
20 ފިޠުރަތީގޮތުން އަންހެނުންނަކީ ލޯތްބަށް އެދޭބަޔަކަށްވާއިރު ފިރިހެނުންނަކީ ޢިއްޒަތާއި ޤަދަރު،އަދި ތަޢުރީފުގެބަހަށް ބަރަށްބޮޑަށް އެދޭ ބަޔެކެވެ. އެހެންކަމުން ފިރިމީހާގެ ރަނގަޅުކަން ބަޔާންކުރުމަށް އޭނާގެ ކިބައިގައިހުރި ރަނގަޅުކަންތައްތައްހޯދާށެވެ. ގެއަށް،ކިތަންމެ ކުޑަނަމެސް އެއްޗެއް ގެނެސްދީފިނަމަ ފިރިމީހާގެ ފުށުން ވަރަށް ފަސޭހަވާކަން ބުނަންވާނެއެވެ. އަދި އެހެން ކިތަންމެބަޔަކަށްވުރެ ފިރިމީހާގެ ސަބަބުން ދިރިއުޅުމުގައި އުފަލާއި ފަސޭހަތައް ލިބޭކަން ހާމަކުރާށެވެ. އަދި ދިރިއުޅުމަށް ކިހާމުހިންމުމީހެއްކަންވެސް ބުނަންވާނެއެވެ.
21. ތިބާ ގޮވައިގެން ރެސްޓޯރަންޓަކަށް ކާލަންގޮސްފިނަމަ އެކަންވެސް ފާހަގަކުރަންވާނެއެވެ. އޭގެ ބަދަލުގައި އަބަދުވެސް ތަފާތު ކަންތައްތަކާ ޝާކުވާ ކުރާނަމަ ފިރިމީހާއަކީ އަނބީމާއަށް އެއްވެސް ކަމެއްކޮށްނުދެވޭމީހެއްކަމުގެ އިޙުސާސްކުރެވޭނެއެވެ. އެއެންވާނަ އެކަމުން ފިރިމީހާ މާޔޫސްވެ އުފާވެރިކަމުގެ ހުޅުކޮޅު މުޅިން ނިވޭނެއެވެ.
ފިރިމީހާގެ ކުދިކުދި ރަނގަޅު ކަންތައްތައް ފާހަގަކުރާނަމަ އެކަންތައްތަ ދެމެހެއްޓުމަށް ކުރާމަސައްކަތުގައި ރަނގަޅުފިރިއެއްކަން ސާބިތުކުރުމަށް ވަރަށް މަސައްކަތްކުރާނެއެވެ.
އަނބިމީހާގެ ތަޢުރީފުގެ ބަސް ފިރިމީހާއަށް ނުލިބޭނަމަ އެފަދަ ކަންތައްތައް ވަޅުޖަހާނެއެވެ. އަދި ފިރިމީހާ މުޅީންވެސް ސަމާލުކަންދޭނީ ފައިސާ ހޯދުމާއި ދިރިއުޅުމުގެ އެހެންކަންކަމަށެވެ. އަނބިމީހާ ފިރިމީހާގެ ކިބައިން ގިނަ ކަންތައްތަކަށް އެދޭނަމަ ގިނަގިނައިން އެފަދަކަނަތައްތައް ފާހަގަކޮށް ތަޢުރީފުކޮށް އެކަންކަމުގެ އަގުވަޒަންކުރާށެވެ. އެއިރުން ފިރިމީހާގެފުށުން އަނބިމީހާ ބޭނުންވާ ލޯތްބައި އަޅާލުން ލިބޭނެއެވެ.
22. ކުށްކުރާކަމަށް ފިރިހެނުން ވަރަށް އެއްބަސްނުވާނެއެވެ. އަދި މަޢާފު ކުރާށޭ ބުނުމަކީވެސް ފިރިހެނުންނަށް ވަރަށް އުނދަގޫކަމެކެވެ. ކުށަށް އިޢުތިރާފުވުމަކީ ފިރިހެނުންނަށް އުނދަގޫކަމަކަށްވާއިރު އެކަމަށް އެއްބަސްކުރުވުމަށް މަސައްކަތް ނުކުރާށެވެ. އަދި ކުށްކުރުމުގެ ސަބަބުން ކަލާތީ ވިޔާނުދާމީހެކޭ ބުނުމުގެ ބަދަލުގައި އެފަދަ ކަންތައްތައް ކުރާއިރު ތިބާ، ހާސްވެ ކަންބޮޑުވާ ވާހަކައާއި،އަދި އެކަމުން ތިބާއަށް ހިތާމަޔާއި ހިތްދަތިކަން ލިބޭވާހަކަ ބުނާށެވެ. މިފަދައިން ކަންތައްކޮށްފިނަމަ ފިރިމީހާގެ އެފަދަ ޢަމަލުތައް ހުއްޓާލާނެއެވެ.
23. 1500 ދެމަފިރިއަކު ހިމަނައިގެން ކުރިދިރާސާއަކުން ދައްކާ ގޮތުގައި ފިރިން އަނބިންނާމެދު ކުރާ އެންމެ ބޮޑުޝަކުވާއަކި އެމީހުން ވާހަކަދައްކާލެ ގިނަކަމެކެވެ. އަދި ފިރިން ދައްކާ ވާހަކައަޑު ނޭހުމުގެ ޝަކުވާއެވެ. އެހެންދިރާސާއަކުން ދައްކާގޮތުގައި ދެމީހުން،ނަފުސަށް ހަމަޖެހުން ލިބިގަންނަން މަސައްކަތް ކުރާގޮތް މުޅިން ތަފާތުކަންވެސްވަނީ ހާމަވެފައެވެ. އަންހެނުންގެ ހުރިހާ އިހުސާސްތަކެއް ހާމަކޮށްލަނީ ވާހަކަދައްކައިގެންނެވެ. މިއީ އެކަނބަލުންގައި ފިޠުރަތީގޮތުންވެސް އެކަން ލައްވާފައިވާގޮތެވެ. ނަމަވެސް އަނބިން އެހާ ގިނައިން ވާހަކަދެއްކުމަކީ ފިރިން ހިތްހަމަޖެހޭ ކަމެއްނޫނެވެ. ތަޖުރިބާކާރުން ބުނާގޮތުގައި އެކަމުގެ އެއްޙައްލަކީ ފިރިމީހާ ގެއަށްއައުމުގެ ކުރީގައި ކޮއްކޮމެއ ްނުވަތަ ދައްތަމެންނާ ވާހަކަދައްކާލާ ހަދާށެވެ. އެއިރުން ފިރިމީހާ އައުމުން އެހާ ގިނަވާހަކަ ދައްކާތައް އަނބިމީހާގެ ހިތެއް ނޭދޭނެއެވެ. ބޮޑުވާހަކައެއް ދައްކަން ބޭނުންނަމަ ވާހަކަދައްކަން ފެށުމުގެ ކުރީގައި އެވާހަކަތައް ހަމައެކަނި އަޑުއަހާލުމަށް ފިރިމީހާކައިރީ ބުނާށެވެ. އެކަމުގެ ޙައްލު ކޮންމެހެން ކިޔައިނުދިނަސް އެންމެ ރަނގަޅުކަމުގައިވެސް ބުނަށެވެ. ދައްކާ ވާހަކައަކަށް ފިރިމީހާ އެއްޗެއް ބުނަންބޭނުންވެއްޖެނަމަ ފުރުޞަތު ދޭށެވެ. އެކަމަށް ވާހަކަދެއްކުމަށް މަޖުބޫރު ނުކުރާށެވެ. މިހެން ކަންތައްކުރުމުން ތިބާގެ ނަފުސަށް ވަރަށްބޮޑަށް ހަމަޖެހުން ލިބޭނެއެވެ. އަދި ތިބާ ބޭނުންވަނީ ކޮންގޮތެއްކަން ނުވަތަ ކޮންކަމެއްކަންވެސް ފިރިމީހާއަށް އެނގޭނެއެވެ. ދެއްކިވާހަކައަށް ފިރިމީހާ އެއްވެސް އެއްޗެއްނުބުނިކަމުގައިވީނަމަވެސް އެކަމާ ކަންބުޑުނުވާށެވެ.
24. ފިރިހެނުންނަކީ ފިޠުރަތީގޮތުންވެސް ވަރަށް މަދުން ވާހަކަދައްކަ އުޅޭބައެކެވެ. ޚައްޞަކޮށް ބޮޑު ކަމަކާ ކުރިމަތިވެއްޖެނަމަ އެކަމަކާމެދު އެއްގޮތަކަށްވެސް ވާހަކަދައްކާކަށް ބޭނުމެއްނުވާނެއެވެ. ފިރިމީހާ އެކަމާމެދު ވަހަކަދައްކަން ބޭނުން ނޫންނަމަ އެވާހަކައެއްދެއްކުމަށް ބާރުނާޅާށެވެ. އެކަމަކާމެދު ސުވާލުކޮށްވެސް ނަހަދާށެވެ. އެމައުލޫޢަކަށް ވާހަކަދައްކަން އެއްބަސްވިކަމުގައިވީނަމަވެސް ފަހުން އެވާހަކަދެއްކުމަށް މަޑުކުރަން ބުނާށެވެ. މިގޮތަށް ޢަމަލުކޮށްފިނަމަ ފިރިންނަންލިބޭ ހަމަޖެނުން މާބޮޑެވެ.
ކަމަކާއި ފިރިމީހާ ރުޅިއަތުވެއްޖެނަމަ ފިރިމީހާ ނިދާލުމަށް ފުރުޞަތު ދޭށެވެ. އަދި ފިރިމީހާ ކުޑަކޮށް ހަމަޖެހިލުމަށް ފުރުޞަތެއްދޭށެވެ. އެއަށްފަހު، ފިރިމީހާއަށް ކުރިމަތިވެގެންއުޅެނީ ކޮން މައްމައްސަލައެއްތޯ މަޑުމަތިރިކަމާއެކު އަހާލާށެވެ. ފިރިމީހާ ބޭނުންނުވާކަމަކަށް މިދަނޑިވަޅުގައިވެސް ބާރުއަޅައިގެން ނުވާނެއެވެ.
25. މައްސަލަ ނުޖެހޭ އެއްވެސް ދެމަފިރިއަކު ނޫޅޭނެއެވެ.ދެމަފިރިން ދެބަސްވެއްޖެނަމަ އެކަން ދިގުލައިގެން ދިޔަނުދިނުމަށް ދެމީހުންވެސް އެތަނުން ދުރަށްގޮސް މާޙައުލު ބަދަލުކޮށްލާށެވެ. ދެބަސްވުމާ ދުރަށްގޮސްފިނަމަ ކުޑައިރުކޮޅަކުން ދެމަފިރިންގެ ރުޅިވެސް ކުޑަތަންކޮޅެއް މަޑުވާނެއެވެ.
ފިރިމީހާ ރުޅިއައިސްގެން ހަޅޭލަވައިގެންފިނަމަވެސް ބަހެއްނުބުނެ މަޑުން އިންނާށެވެ. 2 މިނެޓަށްވުނެ ގިނައިރަކު ފިރިމީހާއަކަށް އެކަންޏަކު ވާހަކައެއް ނުދެއްކޭނެއެވެ. ފިރިމީހާގެ ބަސްމަދުވެ ބަސްހުއްޓިދާނެއެވެ.
( ނުނިމޭ)