ދެހާސް ތޭރަ ވަނަ އަހަރު ރިލީޒްކޮށް، ބޮޑު ކާމިޔާބީއެއް ހޯދި "އާޝިގީ 2" އަށް ފަހު، އެ ފިލްމުގެ ދެ ތަރިން ކަަމަށްވާ އަދިތިޔާ ރޯއި ކަޕޫރާއި ޝްރަދާ ކަޕޫރު އެކުގައި ކުޅުނު ދެވަނަ ފިލްމް "އޯކޭ ޖާނޫ" އަންނަ މަހު ރިލީޒް ކުރަން ނިންމައިފި ފިލްމުގެ ފުރަތަމަ ޓްރެއިލާ ދައްކާލައިފި އެވެ.
ފިލްމުގެ ތަފާތު ޕޯސްޓަރުތަކާ އެކު އިއުލާންކޮށް ފިލްމް ރިލީޒް ކުރާ ތާރީހަކަށް ހަމަޖައްސާފައި ވަނީ އަންނަ މަހުގެ 13 ވަނަ ދުވަހު އެވެ.
ކަރަން ޖޯހަރްގެ ދަރްމާ ޕްރޮޑަކްޝަނުން އުފައްދާފައިވާ "އޯކޭ ޖާނޫ" ޑައިރެކްޓްކޮށްފައި ވަނީ ޝާދް އަލީ އެވެ.
10 million people in LOVE!!!! Thank you for this crazy love!! The way love should be… pic.twitter.com/Mmmde0NRpl
— Karan Johar (@karanjohar) December 13, 2016
"ބަންޓީ އޯރް ބަބްލީ" އާއި "ސާތިޔާ" ފަދަ ކާމިޔާބު ފިލްމްތައް ބެލުންތެރިންނާ ހަމައަށް ގެނެސް ދިން ޝާދް އެންމެ ފަހުން ޑައިރެކްޓް ކުރީ 2014 ގައި ރިލީޒް ކުރި "ކިލް ދިލް" އެވެ. އެކަމަކު އެއީ ބޮޑު ފްލޮޕެކެވެ.
"އޯކޭ ޖާނޫ" އަކީ "ގްރޫ" ފަދަ ފިލްމްތައް ބެލުންތެރިންނާ ހަމައަށް ގެނެސް ދީފައިވާ ކުޅަދާނަ ޑައިރެކްޓަރު މަނީ ރަތުނަމް "އޯކޭ ކަންމާނީ" ގެ ނަމުގައި މިދިޔަ އަހަރު ގެނެސް ދިން ތަމަޅަ ފިލްމްގެ ރިމެކިންއެކެވެ.
މިއީ އަސަރު ގަދަ ލޯބީގެ ހާދިސާތަކެއް ދައްކުވައިދޭ ފިލްމެކެވެ.
އެހެންވެ "އޯކޭ ޖާނޫ" އިން އަދިތިޔާ އާއި ޝްރަދާގެ ކެމިސްޓްރީ ޓްރެއިލާ ބެލި މީހުން ވަނީ ވަރަށް ފުރިހަމަކަން ފާހަގަކޮށްފަ އެވެ.