ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ތަހުޤީޤު ކުރަމުންދާ ފޯނެއް ވަގަށް ނެގި ކަމަށް ތުހުމަތު ކުރެވޭ މައްސަލައަކާ ގުޅިގެން ހިތަދޫ މީހަކު ހޯދުމުގެ މަސައްކަތް ފުލުހުން ފަށައިފި އެވެ.
ހޯދަމުން އަންނަނީ ހިތަދޫ، ބުރުތުކާލުގެ، މުޙައްމަދު އަޙްމަދެވެ.
އޭނާ ހޯދަނީ މިދިޔަ އޮކްޓޯބަރުގެ މަހުގެ 24 ވަނަ ދުވަހުގެ ވަގުތެއްގައި ފޯނެއް ވަގަށް ނަގާފައިވާ ކަމަށް ތުހުމަތު ކުރެވޭ މައްސަލައަކާ ގުޅިގެން ފުލުހުންގެ ތަހުޤީޤަށް ކޯޓު އަމުރެއްގެ ދަށުން ގޭ ބަންދުކޮށްފައި ހުއްޓައި ފިލާފައިވާ މައްސަލައާ ގުޅިގެން ކަމަށް ފުލުހުން ބުންޏެވެ.
އެހެންވެ މުޙައްމަދާ ބެހޭ އެއްވެސް މަޢުލޫމާތެއް ލިބިފައިވާ ނަމަ އެ މަޢުލޫމާތެއް ފުލުހުންގެ ހޮޓްލައިން ނަމްބަރު 3322111 އަށް ނުވަތަ ޖެނެރަލް އިންވެސްޓިގޭޝަން ޑިޕާޓްމަންޓްގެ ޑިއުޓީ ނަމްބަރު 9631696 އަށް ގުޅައި ހިއްސާ ކުރަން ފުލުުހުން ވަނީ އެދިފަ އެވެ.