އާންމުން ހަކަތަ އަަށް ހޭލުންތެރިވެފައިވާ މިންވަރު ދެނެގަތުމާއި ހަކަތަ ބޭނުން ކުރާ ގޮތް ބެލުމަށް އައްޑޫގައި ސާވޭއެއް ފަށައިފި އެވެ.
މި ސާވޭއަކީ އެންވަޔަރަމަންޓް މިނިސްޓްރީން ރިޔަން ޕްރައިވެޓް ލިމިޓެޑާ ހަވާލުކޮށްގެން ކުރިއަށް ގެންދާ ސާވޭއެކެވެ.
އެ ކުންފުނިން މިހާރު ވަނީ މި ސާވޭ އާ ބެހޭ މައުލޫމާތު އައްޑޫ ސިޓީ ކައުންސިލާ ވެސް ހިއްސާކޮށްފަ އެވެ.
މިއަދުން ފެށިގެން މި މަހުގެ 19 ވަނަ ދުވަހާ ހަމައަށް ކުރިއަށް ގެންދާ ސާވޭގައި އައްޑޫގެ ގުޅިފައިވާ އަވަށްތަކުގެ 928 ގޭބިސީއަކަށް ޒިޔާރަތްކޮށް މައުލޫމާތު އެއް ކުރާނެ އެވެ.
އެންވަޔަރަމަންޓް މިނިސްޓްރީން ބުނީ ސާވޭ ނިންމުމަށް ފަހު، އެކަމާ ގުޅޭ ރިޕޯޓެއް ތައްޔާރުކޮށް އާންމު ކުރާނެ ކަމަށެވެ.
އައްޑޫގައި ހަކަތަ އާ ބެހޭ ސާވޭއެއް ހަދަން ފެށި އިރު، އައްޑުގައި ބޭނުން ކުރާ ކަރަންޓްގެ ތެރެއިން ދުވާލުގެ ވަގުުތަކުގައި ބޭނުން ކުރާ ކަރަަންޓްގެ 30 ޕަސަންޓް އިޔާދަކުރަނިވި ހަކަތަ އަށް ހެދުމަށް މިހާރު ވަނީ ބައެއް ތަންތަނުގައި ސޯލާ ޕެނެލް ވެސް ހަރުކޮށްފަ އެވެ.