އައްޑޫގައި 1100 އަށް ވުރެ ގިނަ މީހުންނަށް މުދަލުގެ ޒަކާތް ބެހުމަށް ނިންމާފައިވާ ކަމަށް އިސްލާމިކް މިނިސްޓްރީން ބުނެފި އެވެ.
އިސްލާމިކް މިނިސްޓްރީގެ ޓީމެެއް އައްޑޫގައި މިހާރު އަންނަނީ ހަރަކާތްތެރިވަމުންނެވެ. އެ ޓީމްގައި 15 މީހުން ހިމެނެ އެވެ.
އެ މިނިސްޓްރީން ބުނީ އައްޑޫގެ ޖުމްލަ 1،108 މީހަކަށް ޒަކާތް ބަހާނެ އެވެ.
އެގޮތުން ހިތަދޫގައި ތިބި، 537 މީހުންނަށް ޒަކާތް ބަހާނީ ޝަފަރުއްދީން ސްކޫލުގަ އެވެ. މަރަދޫ، ފޭދޫގެ 274 މީހަކަށް ޒަކާތް ބަހާއިރު، މީދޫ އާއި ހުޅުމީދޫ އިން 297 މީހަކަށް ޒަކާތް ބަހާނެ އެވެ.
މިނިސްޓްރި އިން ބުނި ގޮތުގައި ޒަކާތުގެ ގޮތުގައި މީގެ ކުރިން 400ރ. ބެހި ނަމަވެސް މި ފަހަރު ބޮލަކަށް 900ރ ބަހާނެ އެވެ.
ޒަކާތް ބެހުމުގެ އިތުރަށް ގުރުއާން ތަޖުވީދު މަގަށް އުނގަންނައި ދިނުމުގެ ކްލާސްތަކާއި ދިވެހިބަސް އަދި މިސްކިތް މެނޭޖް ކުރުމުގެ ތަމްރީން ޕްރޮގްރާމްތަކެއް އައްޑޫގެ އިމާމުންނަށް ބޭއްވުމަށް ހަމަޖެހިފައިބެ އެވެ. އެ ޕްރޮގްރާމްތަކުގައި 72 މީހަކު ބައިވެރިވާ ކަމަށް މިނިސްޓްރީބް ބުންޏެވެ.