"ފިލްމް "ބޭހުދީ" އިން ބޮލީވުޑަށް ނިކުތް މަޝްހޫރު ބަތަލާ ކާޖޮލް މީގެ 20 އަހަރު ކުރިން ތަމަޅަ ފިލްމެއް ކުޅެފަ އެވެ.
"މިންސަރަ ކަންވަރޫ" އަކީ 1997 ގައި ކާޖޮލް ތަމަޅަ ފިލްމުތަކަށް ތައާރަފުވެގެން ދިޔަ ފިލްމެވެ. ފަހުން އެ ފިލްމް ވަނީ "ސަޕްނޭ" ގެ ނަމުގައި ހިންދީ ބަހުން ވެސް ނެރެފަ އެވެ.
"މިންސަރަ ކަންވަރޫ" ގައި ކާޖޮލް ފެނިގެން ދިޔައީ އަރްވިންދް ސުވާމީ އާއި ޕްރަބޫދޭވާ އާ އެކުގަ އެވެ.
މިހާރު އޭގެ އެތަކެއް އަހަރު ފަހުން ކާޖޮލް މި ވަނީ އަލުން ތަމަޅަަ ފިލްމަކަށް ސޮއިކޮށްފަ އެވެ. މި ފަހަރު އޭނާ ސޮއި ކުރި ފިލްމަކީ ސްޕަސްޓާ ރަޖްނީކާންތުގެ އަންހެން ދަރިފުޅު އައިޝްވާރިޔާ ޕްރޮޑިއުސްކޮށް، އޭނާގެ ފިރިމީހާ މަޝްހޫރު އެކްޓަރު ދަނުޝް ލީޑް ރޯލް ކުޅޭ "ވީއައިޕީ 2" އެވެ.
Finally 1st day photoshoot! #backtotamilafter20yrs#thenewteam pic.twitter.com/xSFtj7TBZn
— Kajol (@KajolAtUN) December 17, 2016
މިއީ ދަނުޝްގެ "ވިއައިޕީ" ގެ ސީކްއެލްއެކެވެ. އެ ފިލްމަށް ކާޖޮލް ސޮއި ކުރިކަން އޭނާ އާއި އައިޝްވާރިޔާ ވެސް ވަނީ ޓްވިޓާގައި ހިއްސާ ކުރި ފޮޓޯއަކާ އެކު ކަަށަވަރުކޮށް ދީފަ އެވެ.
އެހެން ނަމަވެސް "ވީއައިޕީ 2" ގައި ކާޖޮލް ކުޅެނީ ކޮން ކަހަލަ ރޯލެއް ކަމެއް އަދި ނޭނގެ އެވެ. އެކަމަކު ޔަގީންވާ ކަމަކީ ހަމަ އާދައިގެ ރޯލެއް ކުޅެން އޭނާ އެއްބަސް ނުވާނެ ކަމަަށެވެ.
Love love love the picture ? ?? #Vip2ShootsFromToday #RaghuvaranIsBack pic.twitter.com/equAU5QZ2s
— Aishwaryaa.R.Dhanush (@ash_r_dhanush) December 15, 2016
އެހެންވެ ދަނުޝް އާ އެކު "ވީއައިޕީ" ގައި ކާޖޮލް ފެނިގެން ދާނީ މޮޅު ހާއްސަ ރޯލަކުންކަން ޔަގީނެވެ.
ބެލެވޭ ގޮތުން މި ފިލްމް އަންނަ އަހަރު ސިނަމާތަކަށް އަންނާނެ އެވެ. ފިލްމުގެ ޝޫޓިން ވަނީ މި މަހުގެ 15 ގައި ފަށައިފަ އެވެ.
ކާޖޮލް އެންމެ ފަހުން ފެނިގެން ދިޔައީ ޝާހްރުކް ހާނާ އެކު މިދިޔަ އަހަރު ރިލިޒް ކުރި "ދިލްވާލޭ" އިންނެވެ.
"ވީއައިޕީ 2" ގެ އިތުރުން ކާޖޮލް ވަނީ އާނަންދަ ގާންދީ ޑައިރެކްޓް ކުރާ ފިލްމަކަށް ވެސް ސޮއިކޮށްފަ އެވެ. އެ ފިލްމުގެ ޕްރޮޑިއުސަރަކީ ކާޖޮލްގެ ފިރިމީހާ އަދި އެކްޓަރު އަޖޭ ދޭވްގަން އެވެ.