ގަމުގެ އީކްއޭޓަ ވިލެޖް ތަރައްގީ ކުރަން ހިންގާ މަޝްރޫއުގެ ދަށުން އެތަނުގައި އިތުރު 30 ކޮޓަރި އަންނަ އަހަރުގެ ތެރޭގައި ހަދާނެ ކަމަށް އެތަނުން ބުނެފި އެވެ.
މިހާރު 78 ކޮޓަރީގެ އީކްއެޓާ ވިލެޖްގެ ރިސޯޓް މެނޭޖަރު މުހައްމަދު ވަހީދު ވިދާޅުވީ އަލަށް އިތުރު ކުރާ 30 ކޮޓަރީގެ މަސައްކަތް އަންނަ އަަހަރު މެއި ހިސާބުގައި ފަށާނެ ކަމަށެވެ.
އަދި މިހާރު ހުރި ކޮޓަރިތަކުގެ ފެންވަރު ވެސް އިތުރަށް ރަނގަޅު ކުރަން ވަނީ ނިންމައިފަ އެވެ.
ވަހީދު ވިދާޅުވީ އީކްއޭޓަ ވިލެޖް އަޕްގްރޭޑް ކުރުމުގެ މަޝްރޫއު އަންނަ އަހަރުގެ ނޮވެމްބަރާ ހަމައަށް ކުރިއަށް ދާނެ ކަމަށެވެ. މި މަސައްކަތް ފެށީ މިދިޔަ މަހުގެ ތެރޭގަ އެވެ.
އެގޮތުން އީކްއޭޓަ ވިލެޖަށް އަންނަނީ ބޮޑެތި ބަދަލުތަކެއް ގެންނަނުމުންނެވެ.
ވަހީދު ވިދާޅުވީ މަޝްރޫއު ނިމިގެން އަންނަ އިރު، އީކްއޭޓަ ވިލެޖުން ބޮޑެތި ބަދަލުތަކެއް ފެނުމުގެ އިތުރަށް، ދޭ ހިދުމަތްތަކަށް ވެސް ބޮޑެތި ކުރިއެރުންތަކެއް އަންނާނެ ކަމަށެވެ.