1. އެންޓިއޮކްސިޑެންޓް ތަކުން ފުރިގެންވުން
މޭބިސްކަދުރަކީ ފްލެވެނޯލްސްފަދަ ފައިޓޯނިއުޓްރިއެންޓްތަކާއި، ފީނޯލިކް އެސިޑް، ކެރޮޓިނޮއިޑް އަދި ސްޓިލްބީންސްފަދަ އެންޓިއޮކްސިޑެންޓްތައް ގިނަ އަދަދަކަށް އެކުލެވިގެންވާ މޭވާއެކެވެ. މޭބަސްކަދުރުގައިވާ ގިނަ އެންޓިއޮކްސިޑެންޓްތައް ހުންނަނީ މޭވާގެ ތޮށި އަދި އޮށުގައެވެ. އެއާއި އަޅާބަލާއިރު މޭވާގެ އެހެން ބައިތަކުގައި އެންޓިއޮކްސިޑެންޓްތައް ހުންނަނީ 20 ބައިކުޅަ އެއްބައި އާއި 100 ބައިކުޅަ އެއްބައި އާއި ދެމެދުގެ އަދަދަކަށެވެ.
2. އެންޓި އިންފްލެމޭޓަރީ
އިންފްލެމޭޝަންއަކީ ހަށިގަނޑުގެ ގުނަވަނެއް މާބޮޑަށް ރަތްވެ ނުވަތަ ހޫނުވެ ނުވަތަ ދުޅަވުމަށެވެ. މޭބިސްކަދުރުގައިވާ ރިޒާވެރަޓްރޯލް ނަމަކަށް ކިޔާ އެންޓިއޮކްސިޑެންޓަކީ އެފަދަ ކަންތައްތަކުން ރައްކާތެރި ކޮށްދޭ އެއްޗެކެވެ. މޭބިސްކަދުރުން ލިބިދޭ އެންޓިއޮކްސިޑެންޓްތަކާއި އެންޓި އިންފްލެމޭޓަރީ މާއްދާތަކުގެ ސަބަބުން އެމޭވާ ވެގެންދަނީ ވަރަށް ފައިދާހުރި އެއްޗަކަށެވެ.
3. ގިނައިން ޕޮޓޭސިއަމް އެކުލެވިގެންވުން
މޭބިސްކަދުރުގެ 100 ގްރާމްގައި 191 މިލިގްރާމް ޕޮޓޭސިއަމް ހިމެނެއެވެ. ޕޮޓޭސިއަމް ގިނައިން ކެއުމާއި ސޯޑިއަމް މަދުކުރުމަކީ ހަށިގަނޑަށް ވަރަށް ގިނަ ފައިދާތައް ލިއްބައިދޭ ކަމެކެވެ. އެގޮތުން ލޯ-ސޯޑިއަމް އަދި ހައި-ޕޮޓޭސިއަމް ހުންނަ އެއްޗެހި ކެއުމަކީ ލޭމައްޗަށް ދިއުން ހައްލުކޮށް ދިނުމުގެ އިތުރުން ކޮލެސްޓްރޯލް ދަށްކޮށްދީ އަދި ހިތުގެ ސިއްޙަތަށްވެސް ވަރަށް ފައިދާހުރި ކަމެކެވެ. އަދި ހަމަ އެހެންމެ އެފަދައިން ކެއުމަކީ ބަނޑު ހިންދުމަށްވެސް ލިބިދޭ އެހީއެކެވެ.
4. ސިކުނޑީގެ ސިއްޙަތު
ދިރާސާތަކުން ދައްކާ ގޮތުގައި ރެސްވެރަޓްރޯލްއަކީ ސިކުނޑިއަށް ލޭ ފޯރާ މިންވަރު އިތުރު ކޮށްދޭ އެއްޗެކެވެ. އެހެންކަމުން ސިކުނޑީގެ ބަލިތައް ޖެހިފައިވާ މީހުންނަށް އަވަހަށް ނަފްސާނީ ރެސްޕޮންސްތައް ހޯދައި ދިނުމަށް އެހީވެދެއެވެ. ޔުނިވާސިޓީ އޮފް ސްވިޓްޒަލޭންޑްއިން ކޮށްފައިވާ ދިރާސާއަކުން ދައްކާ ގޮތުގައި ސިކުނޑިއަށް ނޭދެވޭ އަސަރުތައް ކުރުވާ ފްރީ ރެޑިކަލްތައް ރެސްވެރަޓްރޯލްއިން ނައްތާލަ ދެއެވެ.
5. ކަކުލަށް ރަނގަޅު
ޓެކްސަސް ވިމެންސް ޔުނިވާސިޓީއިން ކޮށްފައިވާ ދިރާސާއަކުން ދެއްކި ގޮތުގައި ޤަވާއިދުން މޭބިސްކަދުރު ކެއުމަކީ ކަކުލުގައި ރިއްސުން ކުޑަކޮށްދޭ ކަމެކެވެ. އަދި ޚާއްސަކޮށް އޮސްޓިއޯއާތުރައިޓިސްގެ ސަބަބުން ހުޅުހުޅުގައި ރިއްސާ މީހުންނަށް މިއީ ވަރަށް ބޮޑު ލުޔެކެވެ. މޭބިސްކަދުރުގައި ހިމެނޭ އެންޓިއޮކްސިޑެންޓްތަކުގެ ތެރެއިން އެންމެ މުހިންމީ ޕޮލިފީނޯލްއެވެ. ޕޮލިފީނޯލްއަކީ ފްލެކްސިބިލިޓީ އިތުރުކޮށްދީ ހުޅުހުޅުތައް މަސައްކަތް ކުރާ މިންވަރު އިތުރުކޮށްދޭ އެއްޗެކެވެ.