1. ހަށިގަނޑަށް ހޫނުކަމާއި އަރާމުކަން ލިއްބައިދޭ
އިނގުރުގައި ޖިންޖެރޯލްސްއާއި ޒިންޖެރޯންފަދަ، ހަށިގަނޑަށް ހޫނުކަން ލިއްބައިދޭ މާއްދާތައް ހިމެނިގެން ވެއެވެ. އަދި މާބޮޑަށް ފިނިވުމުގެ ސަބަބުން ދިމާވާ މައްސަލަތަކުންވެސް މީހާ ރައްކާތެރި ކޮށްދެއެވެ.
ބޭނުންކުރާނެ ގޮތް: ދެޖޯޑު ފެން ހޫނުކުރަން އުދާފައި އޭގެތެރެއަށް އެއް މޭޒުމަތީ ސަމުސާ އިނގުރު (ކުދިކޮށް ކޮށާފައި) އެޅުމަށްފަހު 10 މިނެޓް ވަންދެން ބަހައްޓާށެވެ. އެއަށްފަހު، ދެތިން ތިކި މާމުއި އިނގުރު ފެނުގެ ތެރެއަށް އެޅުމަށްފަހު ދުވާލަކު ދެ ފަހަރު ނުވަތަ ތިން ފަހަރު ބޯށެވެ.
2. ފިނިވެ ވަރުބަލިވެފައިވާ ފަޔަށް އަރާމު ލިއްބައިދިނުން
ކުރިންވެސް އެނގުނުފަދައިން އިނގުރަކީ ހަށިގަނޑަށް ހޫނުކަމުގެ އަސަރު ކޮށްދޭ އެއްޗެކެވެ. އަދި މާގިނައިރު ކޮޅަށް ހުރުމުގެ ސަބަބުން ފަޔަށް ވަރުބަލިކަން އިހުސާސްވާނަމަ، ނުވަތަ ފައި މާބޮޑަށް ފިނިވެފައިވާނަމަ އިނގުރު ބޭނުން ކުރުމަކީ ރަނގަޅު ކަމެކެވެ.
ބޭނުންކުރާނެ ގޮތް: ކެއްކި ކެއްކި ހުރި ފެނުގެ ތެރެއަށް އިނގުރު އަޅާށެވެ. ހިހޫވާން ފެށުމުން، 15 މިނެޓް ވަންދެން އެފެނުގެ ތެރެއަށް ފައިލައިގެން ހުންނާށެވެ. މިގޮތަށް ދުވާލަކު ދެފަހަރު އަމަލު ކުރުމުން ފައި ދުޅަހެޔޮ ހޫނުކަންމަތީގައި ހުންނާނެއެވެ.
3. ކެއްސުމާއި ރޯނގާ ރަނގަޅު ކޮށްދިނުން
ރޯނގާ ޖެހިގެން އުޅޭނަމަ ނުވަތަ ކެއްސާނަމަ، އިނގުރަކީ އެކަމަށް ވަރަށް އަވަސް ފަރުވާއެކެވެ. އަވަސް ޝިފާއަކަށްޓަކައި ގޭގައި އިނގުރާއި މާމުއި ބޭނުންކޮށްގެން ކެއްސާތި ބޭސް ބޯށެވެ.
ބޭނުންކުރާނެ ގޮތް: އެއް މޭޒުމަތީސަމުސާ ރޯ މާމުއީގެ ތެރެއަށް ދެތިން ތިކި އިނގުރު (އިނގުރުގެ ދިޔަ ފެލާލުމަށްޓަކައި ގާނާފައި) އަޅާށެވެ. ރަނގަޅަށް އެއްކޮށްގައި ބޯލާށެވެ. ދުވާލަކު 2 ނުވަތަ 4 ފަހަރު މިބޭސް ބުއިމުން އަވަހަށް ރަނގަޅު ވާނެއެވެ.
4. ތަދާއި އިންފްލެމޭޝަން ކުޑަކޮށްދިނުން
އޭގައިވާ އިންފްލެމޭޓަރީ މާއްދާތަކުގެ ސަބަބުން އިނގުރު ވެގެންދަނީ އެންމެ ވަރުގަދަ ޤުދުރަތީ ޕެއިންކިލާއަށެވެ.
ބޭނުންކުރާނެ ގޮތް: ތައްޔާރު ކުރާ ކާއެއްޗެހީގެ ތެރެއަށް އިނގުރު އަޅާށެވެ. ނުވަތަ އިނގުރު ސައި ހަދައިގެން ބޯށެވެ. އެއިރުން ހަށިގަނޑުގެ ތަދުތަކާއި އިންފްލެމޭޝަން ކުޑަވެގެން ދާނެއެވެ.
އިނގުރު ސައި ތައްޔާރު ކުރުމަށްޓަކައި، އިނގުރު ނޮޅާފައި 10 މިނެޓަށް ފެނު ކައްކާށެވެ. އެއަށްފަހު އޭގެ ތެރެއަށް ލުނބޯ ހުތާއި ފޮނި ރަހަ ލާވަރަށް މާމުއި އަޅާށެވެ.
5. ބަނޑުގެ މައްސަލަތައް ރަނގަޅު ކޮށްދިނުން
ބަނޑަށް އުނދަގޫވުމުގެ މައްސަލައަށް އިނގުރަކީ ފަރުވާއެކެވެ.
ބޭނުންކުރާނެ ގޮތް: ދުވާލަކު 1ގްރާމް ތާޒާ އިނގުރު (ނޮޅާފައި) ކެއުމަކީ ބަނޑަށް ތަދުވުމާއި ގޭސްޓްރިކް މައްސަލަތައް ރަނގަޅު ކޮށްދޭ ކަމެކެވެ. އަދި ހަމަ އެހެންމެ ކާއިރު ކާއެއްޗެހީގެ ތެރެއަށް އިނގުރު އެޅުމުންވެސް ބަނޑަށް އުނދަގޫވުމުން ފަސޭހަކަން ލިބޭނެއެވެ. އެހެން ނޫންނަމަ، ތާޒާ އިނގުރު ކުދިކޮށް ކޮށާފައި އޭގައި ލޮނުލުމަށްފަހު، ވީހާވެސް ގިނައިން ކާށެވެ.
6. ބަނޑަށް ތަދުވުން ރަނގަޅު ކޮށްދިނުން
އާންމުކޮށް ބަނޑަށް ތަދުވުމުގެ މައްސަލަ ހުންނަނަމަ، އިނގުރު ޖޫސް ހަދައިގެން ބޯށެވެ.
ބޭނުންކުރާނެ ގޮތް: 2 މޭޒުމަތީސަމުސާ އިނގުރު ޖޫހާއި، 1 މޭޒުމަތީސަމުސާ ލުނބޯ ޖޫސް އަދި ކުޑަ ލޮނު ކޮޅެއް އެއްކޮށްފައި، ފެނާއިއެކު ނުވަތަ ފެން ނުލައިވެސް ބޭނުން ކުރާށެވެ.
7. އިނގުރު މެޓާ ހެދުމަށް
އިނގުރުގެ ރަހަ ނުވަތަ ވަސް މާނުބައި ނުވަތަ ގަދަނަމަ، ގޭގައި އިނގުރު މެޓާ ތައްޔާރު ކުރާށެވެ.
ތައްޔާރު ކުރާނެ ގޮތް:
ތުނިކޮށް ކޮށާފައި ހުރި އިނގުރު ފޮތިތައް މާމުއިގެ ތެރެއަށް އަޅާށެވެ. އޭގެ ތެރެއަށް ކުޑަ ބަޓަރު ކޮޅެއް އެޅުމަށްފަހު މަޑު ގިނީގައި 3-5 މިނެޓް ވަންދެން ކައްކާށެވެ. އެއަށްފަހު، ހިހޫވެ ހަރުވުމަށްޓަކައި 30-40 މިނެޓް ބަހައްޓާށެވެ. އަދި ތައްޔާރު ކުރި އިނގުރު މެޓާ ޤަވާއިދުން ކޮންމެ ދުވަހަކު ކާށެވެ.