ފޭދޫ ޓީމުން ވިދާލި ހުނަރުވެރި ފޯވާޑް އިބްރާހިމް މަހުދީ ހުސެއިން (ކުދު އިއްބެ) އަންނަ ސީޒަނުގައި ޓީސީ ސްޕޯޓްސް ކްލަބާއި ގުޅިއްޖެއެވެ.
އިއްބެގެ ސޮއި ހޯދުމަށް ފުރަތަމަ ޑިވިޝަނުގެ ގިނަ ޓީމްތަކުން މަސައްކަތް ކުރަމުންދަނިކޮށް އޭނާ ކުޅެން ނިންމީ ފޭދޫގެ ހުނަރުވެރި ކޯޗު ނިޒމްގެ އިރުޝާދުގެ ދަށުން ޓީސީއަށެވެ.
އިއްބެ ގިނަ ބައެއްގެ ލޮލުގައި އަޅައިގަތީ 2015 ވަނަ އަހަރުގެ ޒޯން މުބާރާތުގައި ފަރެސް މާތޮޑާ ޓީމް ކޮޅަށް ޖެހި ހިތްގައިމު ލަނޑުގެ ސަބަބުންނެވެ. އޭނާ ވަނީ މިދިޔަ އަހަރުގެ ޕްރެޒިޑެންޓް ކަޕްގައި ކުޅެ މާޒިޔާ ކޮޅަށް ގޯލް ޖަހާފައެވެ.
އިއްބެގެ ހުނަރު ފެނި ރާއްޖޭގެ ވަރަށް ގިނަ ކޯޗުން އިއްބެ ފުރަތަމަ ޑިވިޝަނަށް ގެންދަން މަސައްކަތް ކުރިއެވެ. ގިނަ ބަޔަކު ފާހަގަކުރާ ގޮތުގައި އިއްބެެއަކީ މިވަގުތު ރާއްޖޭގައި ހުރި އެންމެ ހުނަރުވެރި އެއް ފޯވާޑެވެ.
ޓީސީ އާއި އިއްބެ ގުޅެން ނިންމިއިރު މިފަހަރުގެ ސީޒަނުގައިވެސް ޓީސީގެ މެދުތެރެ ބަލަހައްޓާނީ އައްޑޫގެ ހުނަރުވެރި މިޑްފީލްޑަރ ޝަމްވީލް ގާސިމް (ބޮންޑާ)އެވެ.