ރޭ އިރާކޮޅު ހިތަދޫ ބޮޑުމަގުގައި ހުންނަ "ފޭލި" ފިހާރަ ކައިރިން ހިނގި އެކްސިޑެންޓްގައި ބޮލަށާއި، ލޮލަށް ގެއްލުން ލިބުނު ހިތަދޫ ބަންދުސްހޭ އަހުމަދު ނަޒީރު އިތުރު ފަރުވާއަށް މިއަދު ހެނދުނު މާލެ ފޮނުވައިފިއެވެެ.
ދެ ސައިކަލް ޖެހި ހިނގި އެކްސިޑެންޓްގައި ސީރިއަސް އަނިޔާ ލިބިފައިވަނީ އޭނާގެ ލޮލަށެވެ. މިކަމާއި ގުޅޭ އިތުރު ތަފްސީލެއް ހިތަދޫ ރީޖަނަލް ހޮސްޕިޓަލުން ވަނީ ލިބޭ ގޮތް ނުވެފައެވެ.
ރޭގެ އެކްސިޑެންޓްގައި 3 މީހަކަށް އަނިޔާވެގެން ފަރުވާ ދިން ނަމަވެސް އަނެއް ދެމީހުންގެ ހާލު ސީރިއަސް ނޫންކަމަށް ރޭ ހޮސްޕިޓަލުން ވަނީ ބުނެފައެވެ.
މި ހާދިސާގައި ދެން އަނިޔާވެފައިވަނީ 17 އަހަރުގެ ކުއްޖަކަށާއި، 66 އަހަރުގެ މަރަދޫ މީހަކަށެވެ.