މި މަހުގެ 20 ވަނަ ދުވަހުގެ ރޭ ބާއްވަން ނިންމި "އައްޑޫ އެވޯޑް" ނައިޓް ފަސްކޮށްފައިވާ ކަމަށް އައްޑޫ ސިޓީ ކައުންސިލުން ބުނެފި އެވެ.
ކައުންސިލުން ބުނީ އެވޯޑް ނައިޓް ބާއްވަން މިހާރު ހަމަޖެހިފައި ވަނީ އަންނަ މަހުގެ 3 ވަނަ ދުވަހުގެ ރޭ ކަަމަށެވެ.
ކައުންސިލުން ބުނީ އެވޯޑް ނައިޓް ފަސް ކުރީ އިދާރީ މަައްސަލައަކާ ގުޅިގެން ކަމަށެވެ. އެހެން ނަމަވެސް އިދާރީ ކޮން މައްސަލައެއް ކަމަށް ބުނެފައެއް ނުވެ އެވެ.
ކައުންސިލުން ވަނީ އެވޯޑް ނައިޓް މެނޭޖްކޮށް ދޭނެ ބަޔަކު ހޯދަން ވެސް އިއުލާންކޮށްފަ އެވެ.
އޭގެ ތެރޭގައި ސައުންޑާއި ލައިޓާއި، އެވޯޑްގެ ބެކްޑްރޮޕާއި، އެވޯޑްތަކާއި ހަނދާނީ ލިޔުން ތައްޔާރުކޮށް ދޭނެ ބަޔަކު ހޯދުން ހިމެނެ އެވެ.
މީގެ އިތުރުން އެވޯޑް ހަފުލާގެ ފަރިއްކޮޅު ތައްޔާރުކޮށް ދޭނެ ބަޔަކު ވެސް ހޯދަން އިއުލާންކޮށްފައިވެ އެވެ.