1. ބެރީ
ސްޓްރޯބެރީއިން ގޮސް ބްލޫބެރީއާއި ރާސްޕްބެރީއާއި ހަމައަށްވެސް، އެއީ ހުސް ކެއުން ރަނގަޅު ބާވަތްތަކެވެ. ބެރީތަކުގައި ވަރަށް ގިނަ އަދަދަކަށް އެންޓިއޮކްސިޑެންޓް ހުރުމުން މީހާގެ ދިފާޢީ ނިޒާމް ވަރުގަދަކަން މަތީ ހުރުމަށް އެހީވެދެއެވެ. ކޮންމެ ދުވަހަކު ކޮންމެވެސް ވައްތަރެއްގެ ބެރީ ކެއުމަކީ ވަރަށް މުހިންމު ކަމެކެވެ.
2. ކްރޫސިފަރަސް ތަރުކާރީ
ބްރޮކޮލީއަކީ ގޮއިޓްރޯޖެން އާއިލާގެ ތަރުކާރީޢެކެވެ. ގޮއިޓްރޯޖެން ތަރުކާރީތަކަކީ ހަށިގަނޑުގެ ތައިރޮއިޑް ގްލޭންޑްއިން ތައިރޮއިޑް ހޯމޯން އުފައްދައިދޭ މިންވަރު މަދު ކޮށްދޭ އެއްޗެހިއެވެ. މިގްރޫޕަށް ނިސްބަތްވާ ކާބޯތަކެއްޗަށް ކިޔަނީ "ކްރޫސިފަރަސް" އެވެ. ބްރޮކޮލީގެ އިތުރުން ކްރޫސިފަރަސް ތަރުކާރީތަކުގެ ތެރޭގައި ކޯލީފްލާވާ އާއި ކެބެޖުވެސް ހިމެނެއެވެ. ދުވާލަކު މަދުވެގެން އެއްފަހަރު މިފަދަ ތަރުކާރީ ކާންވާނެއެވެ.
3. ވިޓަމިން ޑީ އަދި އޮމެގާ-3 ފެޓީ އެސިޑް
ސެލްމަން އަކީ ވަރަށް ގިނައިން ވިޓަމިން ޑީ އެކުލެވިގެންވާ މަހެކެވެ. ވިޓަމިން ޑީ އަކީ ކެލްސިއަމް އާއިއެކު ކަށީ ފީވުމުން ރައްކާތެރި ކުރުމުގައި މަސައްކަތް ކުރާ ނިއުޓްރިއެންޓެކެވެ. އަދި ހަމަ އެއާއިއެކު ސެލްމަންގައި އޮމެގާ-3 ފެޓީ އެސިޑްތައްވެސް ހިމެނެއެވެ. އެބާވަތުގެ ފެޓީ އެސިޑް އަކީ ހަށިގަނޑުން ޤުދުރަތީ ގޮތުން އުފައްދައިދޭ އެއްޗެއް ނޫނެވެ. އެހެންނަމަވެސް އެއީ ހަށިގަނޑަށް ވަރަށް މުހިންމު މާއްދާއެކެވެ. މަސް މީރު ނޫންނަމަ، ވިޓަމިން ޑީ ބިހުންނާއި މަޝްރޫމުން ލިއްބައިދޭނެއެވެ. އަދި އޮމެގާ-3 ފެޓީ އެސިޑް ވޮލްނަޓްއާއި ޒައިތޫނި ތެލުން ލިއްބައިދޭނެއެވެ. މިދެ ނިއުޓްރިއެންޓް ހިމެނޭ ކާބޯތަކެތި ކޮންމެ ދުވަހަކުވެސް ކާން ހަނދާން ކުރާށެވެ.
4. ކުކުޅު
ކުކުޅަކީ މަސްތައް އުފައްދައި ދެމެހެއްޓުމަށްޓަކައި ހަކަތަ ލިއްބައިދޭ ޕްރޮޓީން ވަރަށް ގިނަ އަދަދަކަށް އެކުލެވިގެންވާ އެއްޗެކެވެ. ހައިޕާތައިރޮއިޑް މައްސަލަ ހުންނަ މީހުންގެ ބަރުދަން އާދަޔާއި ޚިލާފަށް ލުއިވާނެއެވެ. އެހެންކަމުން ހަށިގަނޑު ދުޅަހެޔޮ ބަރުދަނެއްގައި ބެހެއްޓުމަށްޓަކައި އެކަށީގެންވާ މިންވަރަކަށް ޕްރޮޓީން ހުންނަ އެއްޗެހި ކާންވާނެއެވެ. މަސް ނުބައިނަމަ ބީންސްއާއި ނަޓްސް އިންވެސް ޕްރޮޓީން ލިއްބައިދޭނެއެވެ.
5. ކިރު ޕްރޮޑަކްޓްތައް
ހައިޕާތައިރޮއިޑިޒަމް މައްސަލައަށް ފަރުވާ ނުހޯދައިފިނަމަ، ހަށިގަނޑުގެ ކަށިތައް ހީނަރުވެ އޮސްޓިއޯޕޮރޯސިސް ޖެހުމަށް މަގުފަހި ވެގެން ދާނެއެވެ. އެކަން ހުއްޓުވުމަށްޓަކައި ކޮންމެ ދުވަހަކުވެސް ޔޯގަޓް އަދި ޗީޒް އާއި ކިރު ފަދަ އެހެނިހެން ޑެއިރީ ޕްރޮޑަކްޓްތައް ތިން ފަހަރު ކާން ވާނެއެވެ. އެއީ ހަށިގަނޑަށް ކެލްސިއަމް ލިއްބައި ދިނުމަށްޓަކައެވެ.