2016 ވަނަ އަހަރުގެ އޮކްޓޯބަރު/ނޮވެމްބަރުގައި ބޭއްވި ކެމްބްރިޖް އޯލެވެލް އާއި އައިޖީސީއެސްއީ އަދި އެސްއެސްސީ އިމްތިހާނުގެ ނަތީޖާ ސްލިޕްމި މަހުގެ 18 ވަނަ ދުވަހު ދޫކުރަން ފަށާނެ ކަމަށް ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) އިން ބުނެފި އެވެ.
ޑީޕީއީ ބުނި ގޮތުގައި ނަތީޖާ ސްލިޕްތައް އަންނަ ފެބުރުއަރީ މަހުގެ 6 ވަނަ ދުވަހާ ހަމައަށް އެ ޑިޕާޓްމަންޓުންނާއި ސެންޓަރުތަކުން ދޫކުރާނެ ކަމަށެވެ. ނަތީޖާ ދޫކުރުމަށް ހަމަޖެހިފައިވަނީ، ރަސްމީ ބަންދު ނޫން ކޮންމެ ދުވަހެއްގެ 8:30 އިން 13:30 އަށެވެ.
ނަތީޖާގައި މައްސަލައެއްވާކަމަށް ޝައްކުވާނަމަ ފެބުރުވަރީ 7 ވަނަ ދުވަހުގެ ކުރިން ލިޔުމަކުން ހުށަހަޅަން ޖެހޭ އަދިނަތީޖާ ރީޗެކްކުރުމަށް ބޭނުންވާ ކެންޑިޑޭޓުން، އެކަމަށް އެދޭ ފޯމު ފުރިހަމަ ކުރުމަށްފަހު ފެބްރުއަރީ 8 ގެ ކުރިން ހުށަހަޅަން ޖެހޭ.
ޑީޕީއީއިން ބުނީ، ރީޗެކްކުރުމަށް ހުށަހަޅާނީ، އެ ކެންޑިޑޭޓަކު އިމްތިހާނުގައި ބައިވެރިވި ސެންޓަރަކަށް ކަމަށެވެ. ރީޗެކް ފީޝީޓު ޑީޕީއީ އާއި ސެންޓަރުތަކުން ދޫކުރާނެ ކަމަށެވެ.
ރާއްޖޭގެ އެކި ސްކޫލުތަކުން މިދިޔަ އަހަރުގެ އޯލެވެލް އިމްތިހާނުގައި 7،033 ދަރިވަރުން ބައިވެރިވި އެވެ.