ތަރައްޤީގެ އާ އުސްމިންތަކަށް ދާން ދިވެހި ރައްޔިތުން ބޭނުންވާ ކަމަށް ހެލްތް މިނިސްޓްރީގެ ސްޓޭޓް މިނިސްޓަރ ދުންޔާ މައުމޫން ވިދާޅުވެއްޖެެއެވެ.
ދައުލަތުގެ މީޑިޔާ ޕީއެސްއެމް އަށް ދިން އިންޓަވިއުއެއްގައި ދުންޔާ ވިދާޅުވި ގޮތުގައި، ދިވެހި ރައްޔިތުން ތަރައްޤީގެ އުސްމިންތަކަށް ދާން ބޭނުންވާ ކަމަށާއި އެހެން ކަމުން އެ މަސައްކަތް ހަލުވިކޮށްދިނުމަކީ މުހިއްމު ކަމެއް ކަމަށެވެ.
" ދިވެހިރައްޔިތުން ބޭނުންވޭ ތަރައްޤީގެ އާ އުސްމިންތަކަށް، އިތުރު ހަރުފަތްތަކަށް ދާން. އެހެންވީމާ މިމަސައްކަތް ހަލުވިކޮށްދިނުމަކީ މުހިންމުކަމެއް. ހަމަ މިއާއެކު ކުރިންވެސް ފާހަގަކޮށްލިގޮތަށް ޚާރިޖީ ސިޔާސަތުގައިވެސް ވަރަށް މުހިންމު ބައެއްމީ، އަމިއްލަ ފައިމައްޗަށް ތެދުވެފައިވާ ބަޔަކަށްވުން. "
ސަރުކާރުން އިސްތިއުފާދެއްވުމަށްފަހު، ދުވަސްކޮޅެއްފަހުން އަނެއްކާވެސް ސަރުކާރާ ގުޅިވަޑައިގެންނެވި ދުންޔާ ވިދާޅުވި ގޮތުގައި، އަލުން ސަރުކާރާ ގުޅުނީ، ޤާބިލް ތަޖުރިބާހުރި މީހުންގެ ޚިދުމަތް ސަރުކާރުގެ ތެރެއިން ޤައުމަށް ބޭނުންވާކަމަށް ޤަބޫލުކުރެވޭތީ ކަމަށެވެ.