އައްޑޫގެ ދެ އަވަށެއްގައި ޕަމްޕް ހައުސް ހަދައި ދޭނެ ބަޔަކު ހޯދަން އައްޑޫ ސިޓީ ކައުންސިލުން އިއުލާންކޮށްފި އެވެ.
ކައުންސިލުން ބުނީ ފެން ބޮޑުވުމުގެ ހާދިސާތަކަށް ވިލުންވެރިކަން އިތުރު ކުރުމުގެ މަޝްރޫޢުގެ ދަށުން ނެޝަނަލް ޑިޒާސްޓާ މެނޭޖްމެންޓް ސެންޓަރު (އެންޑީއެމްސީ) އާއި ކައުންސިލް އިދާރާ ގުޅިގެން ހިތަދު އާއި ފޭދޫ އަވަށުގައި ގާއިމް ކުރުމަށް ހަމަޖެހިފައިވާ ޕަމްޕް ހައުސް ހަދައި ދޭނެ ފަރާތެއް ހޯދަން ބޭނުންވާ ކަމަށެވެ.
އެހެންވެ ފޯރުކޮށްދޭ މަޢުލޫމާތާއި ކުރެހުމާއި އެއްގޮތަށް އެ މަސައްކަތްކޮށް ދޭބް ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު މި މަހުގެ 23 ވަނަ ދުވަހާ ހަމައަށް ވަނީ ހުޅުވާލައިފަ އެވެ.
މިކަމާ ބެހޭ ގޮތުން މައުލޫމާތު ދިނުން އަންނަ ބުދަ ދުވަހު މެންދުރު ފަހު 1:00 ގައި ކައުންސިލް އިދާރާގައި އޮންނާނެ އެވެ.
ކައުންސިލުން ބުނީ މަޢުލޫމާތު ސާފު ކުރަން ބާއްވާ ސެޝަންގައި ބައިވެރި ނުވާ ފަރާތްތަކުގެ ޕްރޮޕޯސަލްތައް ބަލައި ނުގަންނާނެ ކަަމަށެވެ.